HPG’yî vat, “Roja 27’ê Gulane (vizêrî) seate 23:00 de artêşa TC’yî ya îşxalkare vera herêma Şehîd Derwêş û Şekîfî ya herêma Xakûrkê ya Başûrê Kurdistanî de operasyonê îşxalkerdişî da destpêkerdene. Hêzê îşxalkarî dimayê bombardûmanê giran ê teyareyanê şerî û helîkopteran bi ronayîşê eskeran ê herême waşt ke estbîyayîşê xo bidê mojnayene.”

Xeberê zurî

Eşkerayîya HPG’yî de ame vatene:

“Çapemenîya şerê taybetî, derheqê nê prosesî de qîrayîşanê serkewtişî erzena, wazena rastîye xelet bimojna, bi doneyanê zur û şaşan cehd kena ke hîrayîya operasyonî girdêr nîşan bida.No cehdkerdişê operasyonî waştişê cehdkerdişê prosesê şerî yo ke par herêma Lêlikanê dest kerdo bêrê herêmêka bîne zî, nameyê ci çi nanê pa panê zî, eşkera yo ke cewabê bitesîrê Gerîlayan ê Azadîye yê Kurdistanî do bivînê û binkewtişê giran ê tarîxkî biwerê.

Derheqê bombardûman û operasyonê ke herême de dewam kenê de zanayîşê hîratirî bado rayapêroyî reyde do bêrê parekerdene.

Îdir de 5 eskerî ameyî kiştene

Bi çarçewaya Hemleya Serkewtişî ya Şorişî ya ke Eyaletê Serhadî de dewam kena, hêzanê ma roja 27’ê Gulane de vera wesayîtanê zirxinin û eskeranê pîyadeyan ê artêşa TC’yî ya îşxalkara ke ver bi rayîrê Qereqolê Başaran ê qezaya Başanî yê Îdirî şinê çalakîya sabotajî viraşte. Na çalakîye de derbe daye wesayîta Amaroge ro, 5 eskerî ameyî kiştene û xeylî eskerî bî birîndar. Artêşa TC’yî ya îşxalkare dimayê çalakîye bi wesayîtanê zirxinan û ambûlansan merde û birîndarê xo herême ra wedaritî û herême de operasyon da destpêkerdene. No operasyon saetanê şewe de bi hawayêko bênetîce qedîya û artêşa TC’yî ya îşxalkare herême ra apey ancîyaye.”