Merkezê Îrtîbat û Çapemenîye yê HPG'yî nasnameyê  fermandarê gerîla Botan Başkaleyî yo ke 14'ê Tebaxe herêma Zapî de operasyonê hewayî yê artêşa Tirkî  de wefat kerd, eşkera kerd û Başkale yad kerd.

Eşkerayîya HPG'yî wina ya:

"Ma eşkerayîya xo ya 16'ê Tebaxe de dabi eşnewitene ke 14'ê Tebaxe de operasyonê hewayî yê artêşa Tirkî  ya îşxalkare yê verba herêma Zapî ya Herêmanê Pawitişî yê Medya de embazêkê ma şehîd bîyo. Hêriş de embazê ma fermandar Botan Başkale şehîd bîyo ke endamê Fermandarîya Eyaletê Zapî bi. Embazê ma Botan Başkale serra 1984 de qezaya Elbakî ya Wanî de keyeyêko welatperwer de ame dinya. Bi welatperwerîye bîyo pîl û serranê xo yê ciwanîye de  dest pê têkoşînê azadîye yê Kurdî kerd. Embaz Botan serra 2008 de verê xo da koyanê Kurdistanî û tewrê  gerîlayan bîyo. Roja ke tewrê gerîlayî bîyo ra bi hewayêkê fedakarî wezîfeyê xo ardî ca û wextêko kilmek de bîyo gerîlayêko hunerên. Sere de Xakurkê, Zagros, Zap û Kerkûk zafê herêman de têkoşîn da. Embaz Botan  verba dişmeno qirker şerê azadîye de hêlêke zî nêvinderto û heta hêla peyêne bi hewayêkê fedayî şer kerd. Sere de keyeyê embazê ma yê Botanî yo şehîdî rê pêroyê şarê Kurdistanî yê welatperwerî rê ma serweşîye wazenê. Ma sozê xo dibare kenî ke heta caardişê hewn û xeyalê şehîdanê ma, ma do têkoşînê xo rê dewam bikê."

Hayîdarîyê nasnameyê gerîlayê şehîdî wina yê:

Nameyê Qodî: Botan Başkale

Name û Peyname: Îlhamî Polat

Cayê Bîyayîşî: Wan

Maye-Pî: Xezale-Aslan

Tarîx û Ca: 14'ê Tebaxa 2019 / Zap