Merkezê Çapemenî û Îrtîbatî yê HPG’yî da zanayene ke Helîn Helene (Leyla Karabaş) ya ke Fermandarîya Eyaletê Zapî de ca gena, 20’ê Tebaxe de hêrişê hewayîyî yê artêşa Tirkî de cuya xo vînî kerde.

Hayîdarîyê nasnameyê gerîlaya ke şehîd bîye wina yê:

Eşkerayîye de derheqê gerîla Helîn Helena de nê ameyî vatene: ‘’ Hemraye Helîne  serra 1983 de Yalova de ameya dinya. Hemverê polîtîkayanê asîmîlasyonî yê ke sîstem serê şarê Kurdî de rayra beno hîsê xo yê welatperwerîye çi rey nêkerdê vînî û nê hîsê aye her roja ke şîya hîna bîyê xurt. Hemraya ma Helîna ke herra xo ra ameye raqilnayene û cuyeya metropolan rê mecbur mende emrê ciwanî de Têgêrayîşê Azadîye nas kerd. Seba ke  komploya vera Rayberîye ya 1999’î bibo cewab 2001 de Mersîn ra tewrê sefanê gerîlayî bîya. Embaze Helîne Xakurkê ra heta Zap û Vakur xeylî cayan de aktîf ca girewt. Hemraya ma Helîne seba azadîya şarê Kurdî keda pîle daya û bîya mîlîtanêka nimûneye ke hetê embazanê xo ra yena heskerdene. Xeta Semayan, Berîtanan û Zîlanan de xo aver berdo û xeta azadîya cinî ya Rayberîye de bîya fermandarêka gerîlayan a bitecrube. Tewr peynî Zap de vera hêrişê artêşa Tirkî de sefanê verînan bi qehremanîye şer kerd û resaye şehadetî.

Ma vanê wa sere de sereyê keyeyê embaza ma Helîne ya ke resaya şehadet, sereyê heme şarê ma yê welatperwerî weş bo û ma soz danê heta ma waştişanê şehîdanê xo bica bîyarê ma do mucadeleyê xo bidomnê.”