HPG'yî heman roje şeş herêman de da artêşa Tirkî ro
Gerîlayanê HPG û YJA Starî Gever, Stewr, Xakurkê, Avaşîn, Heftanîn û Besta de verba hêzanê Tirkî yê îşxalkaran çalakîyî viraştî. Çalakîyan de tewr tay 5 leşkerê Tirkî ameyî kiştene.
Gerîlayanê HPG û YJA Starî Gever, Stewr, Xakurkê, Avaşîn, Heftanîn û Besta de verba hêzanê Tirkî yê îşxalkaran çalakîyî viraştî. Çalakîyan de tewr tay 5 leşkerê Tirkî ameyî kiştene.
Merkezê Îrtîbat û Çapemenîye yê HPG'yî eşkera kerd ke xeylî wareyan de verba hêzanê Tirkî yê îşxalkaran çalakîyî ameyî viraştene. Ame pêhesnayene ke 3 çalakîyan de 5 leşkerî ameyî kiştene, bîlançoya çalakîyan ê bînan zî eşkera nêbîya.
Eşkerayîya HPG'yî wina ya:
"Çarçeweya Hemleya Şorişgêre ya Şehîd Bager û Şehîde Ronya de hezanê ma 16'ê Teşrîna Verêne verba artêşa Tirkî ya îşxalkare çalakîyî viraştî.
Gever
"Hezanê ma Girê Şehîd Elîşerî yê qezaya Geverî ya Colemêrgî de verba artêşa Tirkî ya îşxalakre çalakîyêk viraşte. Çalakî de mewzî û cayê dişmenî ameyî îmhakerdene, zafê mewzîyê înan ameyî çinkerdene, tesbît nêbîyo ke çend leşkerê dişmenî ameyî kiştene û birîndar bîyî. Dimayê çalakîye artêşa Tirkî ya îşxalkare bi helîkopteranê Skorskyan kişte û birîndarê xo berdî û dima teyarayanê şerî dest pê bombardûman kerd. Yewîya ma ya ke çalakîye kerde, weş û war agêraye.
Avaşîn
Hêzanê ma herêma Avaşînî ya Wareyanê Pawitişî yê Medya de wareyê Tengava Çeta de verba artêşa Tirkî ya îşxalkare çalakîyêk viraşte. Na çalakîye de kepçeyêkê îşxalkaran bîyo hedef, kepçeyî derb werde, leşkeranê dişmenî ra çend hebî ameyî kiştene û çend zî birîndar bîyî eşkera nêbîyo.
Xakûrkê
Reyna Wareyanê Pawitişî yê Medya de herêma Xakûrkê de, Girê Şehîd Derwêşî de artêşa Tirkî ya îşxalkare bîya hedefa hêzanê ma. Çalakîye de derbeyêka serkewte leşkeranê dişmenî ro ameye dayene. Na çalakîye de 2 leşkerî ameyî kiştene.
Heftanîn
16'ê Teşrîna Verêne Wareyanê Pawitişî yê Medya yê herêma Heftanînî de, Girê Konferansa Mezin de verba leşkeranê artêşa TC'yî ya îşxalkare çarçeweya Hemle ya Şorişgêre ya Cengê Heftanînîya ke dewam kena, de hêzanê ma çalakîyêka suîkastî kerde. Çalakîye de leşkerêkê dişmenî ame kiştene.
Besta
Çarçeweya Hemle ya Qesasî ya Şehîd Medya Mawa û Şehîd Rizgar Geverî de hêzanê ma yê YJA-Starî 16'ê Teşrîna Verêne herêma Besta ya Şirnêxî yê wareyê Eyşedînke de verba leşkeranê îşxalkaran çalakîyêke kerde. Çalakîye de yewîye û wesayîtê dişmenî ameyî îmhakerdene, wesayîtêkê dişmenî zî derb werde. Çalakîye de 2 leşkerê dişmenî ameyî kiştene û yew zî birîndar bîyo.
Stewr
10'ê Teşrîna Verêne artêşa Tirkî ya îşxalakre wareyê dewa Tizyanî ya Stewrî ya Mêrdînî de operasyonêkê îşxalkarîye da destpêkerdene. Wextê operasyonî de mabênê hêzanê ma û yewîya dişmenî de şerêko pîl qewimîyo. Şer de zafê leşkerê dişmenî ameyî kiştene.
Hêrişê Hewayî
Teyarayanê şerî yê artêşa Tirkî ya îşxalkare 16'ê Teşrîna Verêne Wareyê Pawitişî ya Medya bomba kerdî. Çarçeweya teyarayanê şerî de: Dormeyê dewa Gûzî ya herêma Garê, wareyê Kanî Sarkî, Kanî Qirêj û wareyê Çemrobotkî bomba kerdî. Wareyê Şikefta Birîndare ya herêma Zapî û wareyê Kortek ê herêma Qendîlî bomba kerdî.Nê bombardûmanan de zerarêk nêresayo ma."