Merkezê Çapemenî û Îrtîbatî yê HPG’yî  da zanayene  ke 8’ê Nîsade Wareyê Pawitişî yê Medya di gerîlayî hêrişê hewayî de şehîd bîyî û nasnameyê înan eşkera kerdî.

Eşkerayîya HPG’yî de ca dîya nînan: ‘’ Vera hêrişê îşxalî yê îqtîdarê faşîstî yê AKP- MHP’î gerîlayê azadîye xoverdayîşêkê tarîxî danê. Gerîlayê Kurdistano ke vera têgêrayîşê îşxalî bi qehremankî şer keno derbeyanê girdan dano dişmenî ro û plananê çokdayîşî yê înan pûç vejeno. Bêşik o ke mîmarê nê xoverdayîşê tarîxî şehîdê ma yê. Hemrayê ma Avzem Cîhan Mûnzûre û Kurdistan Delîle zî menga Nîsane de Wareyê Pawitişî yê Medya de hêrişê hewayî de tewrê kerwanê  şehîdan bîyî.

Hemraya ma  Avzem Cîhan Mûnzûra ke  Dêrsim de ameye dinya vera polîtîkaya qirkerdişî û asîmîlasyonî xebatanê cimatkî de ca gêna û serra 2013 de koyanê Dêrsimî ra tewrê sefena gerîla bena. Embaza ma Kurdistana ke 1992 de Colemêrg de keyeyêko welatperwerî de ameye dinya, 2012 de vera hêrişanê îşxalî yê dişmenî verê xo dana koyanê Kurdistanî. Ma şexsê keyeyanê embazanê xo  Torûn û Akdogan de  heme şarê xo rê serweşîye wazenê û sozê girdkerdişê xoverdayîşî danê.’’

Gerîlayê ke şehîd bîyî nasnameyê înan wina yê:

	Nameyê Qodî: Avzem Cîhan Mûnzûre Name Peyname: Ezgî Torûne Cayê Biyayîşî: Dêrsim Maye-Pî: Gulcane - Şahîn Tarîx û Cayê Şehadetî: 8’ê Nîsane 2019 / Wareyê Pawitişî yê Medya
	Nameyê Qodî: Kurdistan Delîle Name Peyname: Gullu Akdogane Cayê Biyayîşî: Colemêrg Maye-Pî: Besna - Ahmet Tarîx û Cayê Şehadetî: 8’ê Nîsane 2019 / Wareyê Pawitişî yê Medya