HPG’yî nasnameyê şehîdanê çalakîya Sîdekanî eşkera kerdî

HPG’yî nasnameyê 5 gerîlayan ê ke çalakîya Sîdekanî de şehîd bîyî eşkera kerdî. Eşkerayîya vizêrî ya HPG’yî de amebi vatene ke çalakîye de 23 eskerê Tirkî ameyî kiştene.

ANF
BEHDÎNAN
18/03/2019, 16:00

Merkezê Çapemenî û Îrtîbatî yê HPG’yî nasnameyê gerîlayan ê ke çalakîya 16’ê Adare de şehîd bîyî eşkera kerdî û nê vatî:

“Ma eşkerayîya xo ya 17'ê Adare de dabi zanayene; ‘Roja 16'ê Adare saet 06:30 de hêzanê ma herêma Sîdekanî ya Başûrê Kurdistanî de vera artêşa Tirkî ya îşxalkare qilanê Lêlîkan, Kevortê û Elîdirêj de çalakîyêka hemdeme viraşte. Zaf mewzîyê serê hîrê qilan ameyî çinkerdene û netîceyê çalakîyan de 23 eskerê dişmenî ameyî kiştene, 10 zî birîndar bîyî. 5 hevalanê ma yê ke bi hawayêko fedayî şîyê serê dişmenî şehîd bîyî. Ma sere de keyeyê ma yê erjayeyî yê Erkol, Sevmîş, Tuncer, Kiliç û Yaşarî rê û heme şerê ma yê welatperwerî rê serweşîyê wazenê û sozê bicaardişê waştişanê şehîdan newe kenê.’’

Nasnameyê şehîdanê wina yê:

Nameyê Qodî: Arnos Serhat

Name Peyname: Abdullah Erkol

Cayê Biyayîşî: Wan

Maye-Pî: Pakîze-Tahir