Merkezê Çapamenî û Îrtîbatî yê HPG’yî eşkerayîyêka nuştekîye weşanaye û bale ante serê xeberanê zuran ê ‘medyaya şerî ya taybete’ ya rejîmê AKP’yî.

Eşkerayîye de nê zanayîşî ameyî parekerdene:

“Rojanê peyênan de medyaya şerî ya taybet a AKP’yî kena ke kerdoxan seke teqayîşê 31’ê Temmuze 2018’î yo ke qerarqehê Sûsakî yê Geverî yê Colemêrgî de ameyê girewtene bimojno, ke nê teqayîşî de Neûrcan Karakaya û domana ci merdebî. Nameyê kesanê ke ameyê girewtene yenê dayene û  çarçewaya şerê taybetî de zurî yenê weşanayene.

Kesê bi nameyê Azad Zinar (Metîn Daşdemîr), Rojevîn Azê Korkmaze (Evîn Sevîme) û Serhildan Gever (Yavûz Bozkûrt) 27’ê Elula 2018’î de îxanet bi şarê Kurdî û têkoşînê azadîye kerdo û teslîmê hêzanê dişmenî bîyê. Nê kesî dişmenî reyde xebitîyenê û Gever de xebatanê kontrayî kenê.

Dewleta Tirkî ya îşxalkare bi rayîrê medyaya şerî ya tebete da zanayene ke nê kesî ameyê girewtene û nê kesî kerdoxê dayîke û domane yê ke teqayîşî de merdîbî. Ganî şarê ma yê Geverî vera nê kesanê kontrayî de hîsgêr bo.” 

Mêrdin de gerîlayî şehîd kewtî

Merkezê Çapamenî û Îrtîbatî yê HPG’yî da zanayene ke Mehsertêya Mêrdînî de 8’ê Gulane de şer qewemîya û nê şerî de di gerîlayî şehîd kewtî.

Eşkerayîya HPG’yî de derheqê şerê Mêrdînî de nê çîyî ameyî eşkerakerdene:   

“8’ê Gulane de yewîyêka ma ya ke wareyê Çelê yê Mehsertêya Mêrdînî de serê wezîfe de bîye, rastî eskeranê artşêşa Tirkî ya îşxalkare ameye û tîya de şerêk qewemîya. Nê şerî de hûmara eskeranê merde û birîndaran nêameya tespîtkerdene. Nê şerî ra dima hêzê ma wareyê Tehnavê zî kewtî şer. Nê şerî de xeylî hêzê dişmenî ameyî kiştene û 2 hemrayê ma heta guleyê xo yê peyênî şer kerd û şehîd kewtî. Nasnameyê hemrayanê ma yê şehîdbîyayan bado do bêro eşkerakerdene.”

Çelê de qereqol ame pirodayene

HPG’yî da zanayene ke hêzanê înan Çelê de dayo qeraqolêk ro û nê zanayîşî pare kerdî:

“Çarçewaya Hemleya Şorişgêre ya Şehîd Bager û Şehîde Ronya ya ke dewam kena de hêzanê ma 12’ê Gulane saete 08.00 de vera qeraqolê Şikêrî yê Çelê yê Colemêrgî çalakîyêk viraşte. Hêzanê ma bi hawayêkê xurtî da nîzamîye û mewzîyanê qeraqolî ro. Na çalakîye de hûmara eskeranê merde û birîndaran nêameye tespîtkerdene.

Hêrişê Hewayî

12’ê Gulane saete 21.00 de teyareyanê şerî yê artêşa Tirkî ya îşxalkare Wareyê Tepê Sorî yê Avaşînî yê Herêmanê Pawitişî yê Medya bombardûman kerdî. Nê hêrişan de tu zirar nêrest hêzanê ma.”