Merkezê Îrtîbatî û Çapemenîye yê HPGyî derheqê hêrişanê îşxalî û çalakîyanê gerîlayan de eşkerayîyêke daye. Eşkerayîye wina ya:

''Xoverdayîş û çalakîyê Gerîlayanê Azadîya Kurdîstanî bêmabên dewam kenê. Artêşa tirke ya îşxalkere Warê Xoverdayîşî 38 reyî pê çekanê kîmyewîyan, 56 reyî pê teyarayanê şerî û bi seyan reyî zî bi obusan dayî bombayan ver la rixmê ney zî qet yew netîce nêviste destî. Çalakîyanê bi serkêşîya YJA-Starî de 15 îşxalkerî ameyî cezakerdene, 3 îşxalkerî birîndar bîyî, , 1 sîstemê kameraya mobese û 2 dronî ameyî derbkerdene.

Detayê çalakîyan wina yê:

Herêma Zapî de;

18ê gulane de Kur Jahro de îşxalkerî pê çekanê giranan ameyî hedefkerdene. Netîceya çalakîye de hedefî bi hawayêkê serkewteyî ameyî pirodayene.

20ê gulane de Warê Xoverdayîşî yê Şehîd Şahînî de dormeyê mewzîyanê Şehîd Berxwedanî de îşxalkerî hetê hêzanê ma ra mesafeyêka nêzdîye ra ameyî pirodayene. Netîceya çalakîye de 4 îşxalkerî ameyî cezakerdene û 1 sîstemê kameraya mobese ame îmhakerdene. Dima artêşa îşxalkere war bi giranî da bombayan ver û kişteyê xo girewtî.

21ê gulane de artêşa îşxalkere verî mewzîyê Şehîd Hewrê yê Warê Xoverdayîşî yê Şehîd Şahînî bi giranî da bombayan ver û dima zî waşt aver şora. Îşxalkerî pê taktîkê sabotajî ameyî pirodayene. Netîceya çalakîye de 2 îşxalkerî ameyî cezakerdene.

21ê gulane de Warê Xoverdayîşî yê Şehîd Şahînî de  mewzîyanê Şehîd Berxwedanî de hêzanê YJA-Starî mesafeyêka nêzdîye ra da îşxalkeran ro. Netîceya çalakîye de 2 îşxalkerî ameyî cezakerdene.

21ê gulane de mewzîyanê Şehîd Tolhildanî yê Warê Xoverdayîşî yê Kuro Jahroyî de 1 dron hetê hêzanê ma ra ame derbkerdene.

21ê gulane de artêşa îşxalkere mewzîyê Şehîd Tolhildanî 7 reyî pê çeka kîmyewîye û teqaberan dayî bombayan ver. Dima komêka îşxalkeranê ke vera kîmyewîyan kincê pawitoxî dabî xo rê, xîret kerd ke ver bi mewzîyan bêrê. Hêzanê ma pê taktîkê suîkastî da înan ro. Îşxalkerî wexto ke waşt reyna bêrê hêzanê ma pê çekanê ferdîyan û bombayanê destan da înan ro. Heman roje saete 17.25 de îşxalkerî reyna mesafeyêka nêzdîye ra ameyî pirodayene. Netîceya nê çalakîyanê YJA-Starî de tewr tay 6 îşxalkerî ameyî cezakerdene û 3 îşxalkerî birîndar bîyî.

20ê gulane de Warê Xoverdayîşî yê Şikefta Birîndaran de îşxalkerê ke waştêne ver bi mewzîyan şorê hetê hêzanê ma ra pê çekanê ferdîyan ameyî pirodayene û 1 îşxalker ame cezakerdene.

21ê gulane de Warê Xoverdayîşî yê Şikefta Birîndaran de dronêko bombabarkerde hetê hêzanê ma ra ame derbkerdene.

21ê gulane de şewe helîkopterê ke waştêne waranê Şikefta Birîndaran, Karker û Çemçoyî bidê bombayan ver hetê hêzanê ma ra gêrîyayî binê bombardumanî. Netîceya mudaxeleyê hêzanê ma de helîkopterî neçare mendî ke warî ra şorê.

21ê gulane de artêşa tirke ya îşxalkere mewzîyê şerî yê Şehîd Hewrê, Şehîd Berxwedan, Şehîd Şahîn, Şehîd Tolhildan, Şikefta Birîndaran û Koyê Reşî 31 reyî pê çekanê kîmyewîyan û teqaberan dayî bombayan ver.

Hêrişê îşxalî

Artêşa tirke ya îşxalkere bi seyan reyî Herêmê Pawitişî yê Medya dayî bombayan ver. Detayê bombardumanan wina yê:

20-21ê gulane de serê waranê Girê Cûdî, Girê Amediyê, Girê Bihar û dewanê Kanê, Sergelê, Dêreşê, Guherzê, Berçiya û Mijê yê Amedîyê de têgêrayîşê teyarayanê keşfî est bîyî û no têgêrayîş hema zî dewam keno.

21ê gulane de Girê Rûbar, Girê Cûdî, Girê Şehîd Kendal, Girê Şehîd Yunus, Girê Şehîd Leşker, Kurojahro, Şehîd Şemdîn, Mamreş, Çiyareş, Şehîd Dünya, Çemço û Rênçbir Axayî yê Zapî 36 reyî dîyayî bombayan  ver. Reyna heman roje warê Girê Hakkarî, Girê Çarçel û Girê Ortê 13 reyî dîyayî bombayan ver. Heman roje kendalê Warê Xoverdayîşî yê Werxelê yê Avaşînî 7 reyî dîyayî bombayan ver.''