Merkezê Çapemenî û Îrtîbatî yê HPG’yî da zanayene ke 29’ê Gulane de bombardûmanê artêşa Tirkî yê vera Zapî de di gerîlayê bi nameyê Adil û Rênas şehîd bîyî û nasnameyê înan eşkera kerdî:

Nameyê Qodî: Adil Semsûr

Name Peyname: Mehmet Çoban

Cayê Biyayîşî: Semsûr

Maye-Pî: Fatma - Mehmet

Tarîx û Cayê Şehadetî: 29’ê Gulane 2019 / Zap

Nameyê Qodî: Rênas Botan

Name Peyname: Mehmet Zakîr Temel

Cayê Biyayîşî: Sêrt

Maye-Pî: Reyhane - Şahîn

Tarîx û Cayê Şehadetî: 29’ê Gulane 2019 / Zap

Dewamê eşkerayîye de ca dîya nînan: ‘’Hemra Adil Semsûro ke 1986 de Semsûr de ameyo dinya 2010 de Almanya ra tewrê sefanê gerîlayî beno. Embaz Adilo ke bi kesîya xo ya fedakar û duruste yeno naskerdene xeylî wareyanê gerîlayî de aktîf xebitya û heme wezîfeyê xo bi serkewtişî ardî ca û heta şehadetê xo semedê şarê xo mucadele kerd.

Hemra Rênaso ke 1990 de Sêrt de ameyo dinya 2014 de vera politikaya qirkerdişî ya dişmenî verê xo dano koyanê Kurdistanî. Embaz Rênas bi felsefeyê Rayberîye  xo resna û heme herêman de bi pratîkê xo vejîyayêne vernîye.

Ma şexsê keyeyanê  erjayeyan ê hemrayanê xo Adil û Rênasî de heme şarê Kurdistanî yê welatperwerî rê serweşîye wazenê û soz danê ma do waştişê şehîdan biresnê serfirazîye.’’