Merkezê Îrtîbatî û Çapemenîye yê HPGyî derheqê hêrişanê îşxalî û çalakîyanê gerîlayan de eşkerayîyêke daye. Eşkerayîye wina ya:

''Çalakîyanê hêzanê ma de herêma Çemçoyî ya Zapî de 3 leşkerê tirkî yê îşxalkerî ameyî cezakerdene, 1 xeyma leşkerî zî ameye derbkerdene. Artêşa tirke ya îşxalkere warê xoverdayîşî 10 reyî pê çekanê kîmyewîyan dayî bombayan ver, lastîk û malzemeyê plastîkî vêşnayî û dûyê înan verdayî mewzîyanê xoverdayîşî. Reyna Warê Xoverdayîşî  4 reyî pê teyarayanê şerî, obus, tank û çekanê giranan dîyayî bombayan ver.

Detayê çalakîyan wina yê:

Hemleya Şorişgêre ya Bazanê Zagrosî de herêma Zapî de;

24ê kanûne de herêma Çemçoyî ya bajarekê Şêladizê ya Amedîyê de mewzîyê xoverdayîşî pê taktîkê sabotajî ameyî pirodayene û 1 îşxalker ame cezakerdene.

24ê kanûne de herêma Çemçoyî de îşxalkerî pê çekanê giranan ameyî pirodayene, 1 îşxalker ame cezakerdene û 1 xeyma leşkerîye ameye derbkerdene.

25ê kanûne de herêma Çemçoyî de hêzanê ma yê YJA-Starî da leşkeranê îşxalkeran ro û 1 îşxalker ceza kerd.

Hêrişê ke artêşa îşxalkere pê çekanê kîmyewîyan û bombayanê qedexekerdeyan kerdê;

24ê kanûne de mewzîyê xoverdayîşî yê Çemçoyî 10 reyî pê çekanê kîmyewîyan dîyayî bombayan ver. Heman wextî de îşxalkeran lastîk û malzemeyê plastîkî vêşnayî û dûyê înan ê jehrînî verdayî zereyê mewzîyan.

Hêrişê bînî yê artêşa îşxalkere;

24ê kanûne de erazîyê dewa Şêlazê û Golka yê Metîna, dewa Sîda ya Şêladizê, Warê Xoverdayîşî yê Girê FMyî, herêma Çemçoyî dîyayî bombayan ver.''