Merkezê Îrtîbatî û Çapemenîye yê HPGyî bîlançoya mengêke ya şerî ya mabênê 24ê tebaxe û 23ê êlule eşkera kerde.

Eşkerayîya HPGyî wina ya:

''Gerîlayê Azadîye yê Kurdîstanî mîyanê mengêke de Vakurê Kurdîstanî ra heta Herêmanê Pawitişî yê Medya performansê şerî rê bi hawayêkê bêmabênî dewam kerd. Xoverdayîşê hêzanê ma yo ke vera hêrişanê îşxalî şewa 23ê nîsane de dest pêkerdo, panc mengî peyê xo de verdayî dekewt menga şeşine.

Hêzanê ma yê gerîlayan xoverdayîşêko winasên mojna ke pê herfanê zerdînan tarîxê têkoşînê azadîye de ca girewt û hem artêşa tirke ya faşîste vindarnaye, nêverda ke aver şora hem zî  verê armancanê înan girewt. Artêşa tirke ya îşxalkera ke bi hawayêkê cidîyî teng bîye, giranîye daye şuxilnayîşê çeka kîmyewî, qanûnê şerî û mîyanneteweyîyî binpay kerdî. Warê xoverdayîşî yê Girê Sorî de 6 embazê ma netîceya hêrişanê çekan ê kîmyewîyan de şehîd bîyî. Artêşa tirke ya îşxalkere têna mengêke de 157 reyî çekê kîmyewî şuxilnayî, bi nê hawayî xîret kerd netîce bigêra la ser nêkewte. Dewleta tirke ya faşîstre bêvengîya rayaumûmîye û dezgehanê mîyanneteweyîyan ra hêz gêna û nê hêrişanê çekan ê kîmyewîyan rê bi hawayêkê bêperwayî dewam kena.

Embazê ma yê ke waranê xoverdayîşî yê Zendûra, Girê Sor û Werxelê de şer kenê, her heşe bi hawayêkê bêhempayî bi îrade, bawerî, qerardarî û çêrîya Apogîre xo ver danê û xeta çêrîya Apogîre berz kenê. Eşkera yo ke perwerîyêka pîle ya bi ruh, hişmendî, bawerî û azadîya Rayber Apoyî ra nêbo mumkîn nîyo ke cewab bêro dayene hêrişanê barbaran ê dişmenî. Gerîlayê Azadîye yê Kurdîstanî nê esasê raştîye ser o pê performansê xo yê şerî reyna îsbat kerd ke ê hêzê serkewtişî yê.''

Merkezê Îrtîbatî û Çapemenîye yê HPGyî derheqê detayanê şerê menga peyêne de nê agahîyî dayî:

''Çalakîyê ke hetê hêzanê ma ra ameyî kerdene;

- Çalakîyêka  hêrişî

- 2 Çalakîyê dekewtişê mîyanî xweberdana nava dijmin

- 7 Çalakîyê koordîne yê gerîlayan

- 8 Çalakîyê derbdayîşî

- 11 Çalakîyê sabotajî

- 13 Çalakîyê bi çekanê giranan

- Vera îşxalkeranê ke waştêne ver bi çeper û tunelanê şerî şorê hêzanê ma 53 reyî da înan ro û nêverda ke ê aver şorê.

- Bi pêroyî 95 çalakîyê gerîlayan ameyî kerdene.

Netîceyê çalakîyanê hêzanê ma wina yê:

- 4ê ci kontrayî, 67ê ci îşxalkerî bi temamî 71 leşkerê dişmenî ameyî cezakerdene

- 13 îşxalkerî birîndar bîyî.

Embazê ma yê ke şehîd bîyê:

- 28 embazê ma şer û bombarduman de şehîd bîyî

- 6 embazê ma hêrişê çekan ê kîmyewîyan de şehîd bîyî

-7 embazê ma hetê PDKyî ra Xelîfan de ameyî hedefkerdene. Aqîbetê înan nêzanîyeno.

Hêrişê ke hetê artêşa tirke ya îşxalker ra ameyî kerdene;

-Artêşa tirke ya faşîste 157 reyî pê çekanê kîmyewîyan hêrişê tunel û çeperanê şerî kerd.

- Leşkero bipere yê artêşa tirke Sezaî Gungor hetê leşkeranê tirkan ra kişîya.

Wesayîtê dişmenî yê ke ameyî derbkerdene;

- Kepçeyêko pîl

- Wesayîtêko leşkerî

- 3 helîkopterê hêrişî

Mazlemeyê leşkerî yê ke hetê hêzanê ma ra ameyî îmhakerdene;

- Çeka bombaeştoxe û çeperê ci

- Kamerayêka mobese

- Droneyêk

- Kepçeyêko pîl

- Wesayîtêko leşkerî yo zirxîn ê bi tîpê Kîrpî

- 2 wesayîtê leşkerî yê bi tîpê Reoyî

Malzemeyê leşkerî yê ke hêzanê ma serê dişmenî ra rakerdî:

-Xeylêk teqaberî