Merkezê Îrtîbatî û Çapemenîye yê HPGyî (HPG-BÎM) çar gerîlayê ke peynîya menga tebaxe de netîceya bombardumanî de şehîd bibî yad kerdî.

Eşkerayîya HPGyî wina ya:

''30ê tebaxa 2021î de herêma Elkê ya Şirnexî de semedo ke kontrayanê herêmîyan agahîye daya dişmenî bombardumanêk qewimîya  û netîceya nê bombardumanî de çar embazê ma şehîd bîyî. Embazanê ma Nûda, Binevşe, Şîyar û Zinarî semedê caardişê şorişî keda pîle daye, bi serran vera dewleta tirke ya kolonyalîste têkoşîn kerd û şarê ma û embazanê xo rê mîrasê têkoşînî verda. Embazê ma pê nê mîrasî tim do bibê rayberê şarê ma û embazanê xo û bibê sebeb ke ma têkoşînî pê serfîrazîye tacîdar bikerê.

Nasnameyê embazanê ma yê şehîdan wina yê:

Nameyê Qodî: Nuda Garzan Name û Peyname: Kezibane Yilmaz Cayê Bîyayîşî: Bedlîs Maye-Pî: Hazîne – Şefîk Tarîx û Cayê Şehadetî: 30ê Tebaxa 2021î / Şirnex

Nameyê Qodî: Binevşe Agir Name û Peyname: Emîne Yilmaz Cayê Bîyayîşî: Îstanbul Maye-Pî: Aysele – Muhlîs Tarîx û Cayê Şehadetî: 30ê Tebaxa 2021î / Şirnex

Nameyê Qodî: Şiyar Şêxo Name û Peyname: Xelîl Ali Cayê Bîyayîşî: Efrîn Maye-Pî: Zeynepe – Îbrahîm Tarîx û Cayê Şehadetî: 30ê Tebaxa 2021î / Şirnex

Nameyê Qodî: Zinar Sorî Name û Peyname: Abdullah Oguz Cayê Bîyayîşî: Şirnex Maye-Pî: Hamîye– Mehmet Tarîx û Cayê Şehadetî: 30ê Tebaxa 2021î / Şirnex

Embaza ma Nûda Xîzan de dadîya xo ra bîya. Embaze Nudaya ke binê tesîrê felsefeya cinîya azade ya Rayberîye de menda 2014 de verê xo da koyan û tewra gerîlayan bîye. Embaze Nûda xo rê felsefeya Rayberîye de xorinbîyayîş kerd esas û tim embazanê xo rê bîye çimeyê moralî. Embaze Nûda sey gerîlayêka YJA-Starî pêro wezîfeyan de ser kewte û sey fermandarêke Vakur de têkoşîn kerd. Embaze Nûda xeylêk çalakîyanê serkewteyan de ca girewt. A do tim têkoşînê ma de biciwîya.

Embaze Binevşe aslê xo ra Çewlîg ra ya la Îstanbul de dadîya xo ra bîya. Rixmo ke a Îstanbul de bîya pîl erjanê welarperwerîye ra qetî dûr nêkewta. Embaze Binevşe wexto ke Sakarya de zanîngeh de wendêne tewra xebatanê şorişî bîya û erzîyaya zîndanê îşxalkeran. Zîndanî ra dima a bi qerardarî tewra gerîlayan bîye. Wextêkê kilmî de a bîye gerîlayêka marîfetîne ya YJA-Starî. Embaze Binevşe hêrsê xo yê vera dişmenî tim pê pratîkê xo eşkera kerd. Embaze Binevşa ke milîtanêka bêmexlûbe ya xeta PAJKî ya, tim mîyanê têkoşînê ma de biciwîya.

Embaz Şîyar Efrîn de dadîya xo ra bîyo. Embaz Şîyaro ke keyeyê ci ra xeylêk kesî tewrê gerîlayan bibîy 2012 de verê xo da koyan. Embaz Şîyarî wextê hêrişanê DAÎŞî de 2014 de Şingal de wezîfe kerd. Embaz Şîyarî serkewtişê Şingalî ra dima reyna verê xo da koyanê Kurdîstanî û derbazê sahaya Vakurê Kurdîstanî bi. Ey Vakur de pê tecrubeyê xo embazanê xo rê rayberîye kerde. Embaz Şîyar pê kesayetê xo yê kedkarî bi mazharê heskerdişê embazanê xo. O do tim rayîrê têkoşînê ma roşnî bikero.

Embaz Zinar Hezex de dadîya xo ra bîyo. O semedo ke waştişanê şarê xo bîyaro ca 2013 de tewrê gerîlayan bi û wextêkê kilmî ra dima bi fermandarêko marîfetîn. Embaz Zinar rixmo ke 3 reyî birîndar bi pê îradeyê xo yê zixmî bi weş û têkoşînê vera îşxalkeran rê dewam kerd. Embaz Zinarî tim xîret kerd ke Vakur de vera dişmenî şer bikero û xo aver bero. O sey milîtanêkê çêrî yê Rayber Apoyî mîyanê pêro xebatan bi û tim pê serkewtişî xebatê xo qedînayî. Cu, tewir, tewrbîyayîş û kesayetê embaz Zinarî tim pê mîrasê ci têkoşînê ma de do biciwîyê û embazanê ci rê bibo çimeyê moralî.

Ma sere de keyeyanê ercîyayeyan ê embazanê xo rê, pêro şarê welatperwerî yê Kurdîstanî rê serweşîye wazenê. Ma soz danê ke ma pê azadkerdişê Kurdîstanî qesasê embazanê xo bigêrê.''