Merkezê Îrtîbat û Çapemenîya Hêzê Pawitişê Şarî (HPG) derheqê çalakîye û operasyonan de îzehetêko nuştekî da. HPGyî îzehet de dîyar kerdo ke verê cû înan aşkere kerdbi ke Hîra Hevîdare (Berna Yalmane) şehîd kewta, labelê aye embaze resaya yewîya xo û cuyena.

Îzehetê HPGyî wina yo:

“Çarçewaya Hemleya Şorişgêrî ya Şehîd Pîroze û Şehîd Agirî de hêzanê ma 22ê êlule saete 14.30 de vera leşkerê ke Gira Lêlîkanî de ca bîyî de çalakîyêk viraşta. Netîceyê çalakîye de 2 leşkerî ameyî kiştiş û 2 meterîsî ameyî îmha kerdene.

AGIRÎ DE OPERASYON

Artêşa tirkî 21ê êlule saete 13.00 de warê Hallacî yê Agirî de bi hetkarîya wesayîtê sîlehinî yê bêmerdiman operasyonêk dayo dest pêkerdene. War hetê teyara û helîkopteran ra ameyo bombarduman kerdene. Bombarduman ra dima leşkerî ronîyayî warî, labelê operasyon 22ê êlule de bi hawayo bênetîce qedîyayo. Çîyê ke medyaya tirkan de yenî dayene, bitemamî zurî yî. Operasyon de ma ti zaîyat nêdayo.

OPERASYONÊ KE AMED Û ŞIRNEX DE BÎYÎ

Artêşa tirkî 19ê êlule saetanê şanî de vera warê Şehîd Kawayî yê Amedî de operasyonêk viraşto. No operasyon zî 21ê êlule bênetîce qedîyayo.

Ma îzehetê xo yê 21ê êlule de dîyar kerdbi ke 14ê êlule de warê Kato Marînosî de 5 embazê ma şehîd bîbî û nînan ra yewe zî Hîra Hevîdare (Berna Yalmane) bi. Labelê na embaza ma şehîd nêbîya û resaya yewîya xo.

HÊRIŞÊ HEWAYÎ

Teyarayê ke aydê artêşa tirkî yî, hêrişê Girê Kartalî ke girêdayeyê herêma Avaşînî yo kerdî û ewja bombarduman kerdî.

Helîkopterê Kobra yê artêşa tirkî 22ê êlule saete 1.10 de warê Şehîd Rustemî yê herêma Zapî bombarduman kerdî. Netîceyê bombardumanî de rez û bexçeyanê şarî de şewat vejîyayo.”