Merkezê Îrtîbatî û Çapemenîye yê HPGyî bi eşkerayîyêke gerîla Azad Çewlîk (Îrfan Kiliç) o ke Zîndanê Kandira de 2016 de amebi qetilkerdene, yad kerd. Eşkerayîye wina ya:

''Embaz Azad Çewlîk 3yê temmuza 2019î de Zîndanê Kandira yê Kocaelî de wexto ke destê dewleta tirke de esîr bibi, şehîd bi. Ma xîret kerd ke sebebê şehadetê ey eşkera bikerê. Goreyê netîceyanê ke ma resayê ci, o zîndan de bi hawayêkê wehşîyî ameyo qetilkerdene. Otopsî û kesê ke cenazaya embazê ma dîyê zî nê beyanî raşt kenê. Embazê ma wexto ke destê dewleta tirke de bîyo, bi nê hawayî ameyo qetilkerdene û no dûştê huqûqê dewleta tirke, qanûnanê mîyanneteweyîyan, huqûqê şer û merdimatîye yo. Hetê bînî ra no namerdîyêka pîl a ke zîndan de keso bêçek û bêpawitiş yeno qetilkerdene.

Embaz Azado ke milîtanêko fedayî yo Apogîr bi, hem zîndan de hem zî waranê têkoşînî de bi xoverdayoxo yaman. Ey rixmê pêro şertan zî tewirê xo yê milîtanîye ra fek vera nêda û bi perwerê xeta PKKyî ya xoverdayîşî.

Ma sere de keyeyê embaz Azadî yê welatperwerî rê, pêro şarê Çewlîgî û Kurdîstanî yê welatperwerî rê serweşîye wazenê. Ma şexsê embaz Azadî de soz danê pêro şehîdanê ma ke qesasê înan bigêrê.

Nasnameyê embaz Azad Çewlîkî wina yo:

Embaz Azad qezaya Bongilanî ya Çewlîgî de dadîya xo ra beno. Embaz Azad cigêrayîşan ra pey hêverî xebatanê ciwanan de cagêno. Embaz Azad 2015 de 'Roja Reşe' 15ê Sibate de zî verê xo dano koyan û beno gerîla. Embaz Azad cade adapteyê koyan beno. O koyan de bi taybetî seba azadîya Rayberê Şarê Kurdî Abdullah Ocalanî xîret keno. Embaz Azad Herêmanê Pawitişî yê Medya de perwerde gêno. Embaz Azad dima tewrê Hêzanê Taybetan beno. O esasê Şerê Şarî yê Şorişgêrî de têkoşîn keno û keno ke bibo layîqê Rayberîye û şehîdan.

Embaz Azad seba tay erkanê krîtîkan derbazê metropolanê Tirkîya beno û wextê erkanê xo de bi hawayêkê bêtelîhî sey esîrî keweno destê dişmenî. La embaz Azad zîndan de xeta PKKyî de xo ver dano û tewirê xo yê fedayîy ra tawîz nêdano. O zîndan de tim raştê îşkenceyî û teda yeno. 

3yê temmuza 2019î de Zîndanê Kandira de embaz Azad reyna raştê hêrişê dişmenî yeno û bi hawayêkê wehşîyî pê îşkenceyî yeno qetilkerdene. Embaz Azad yew fedayî bi ke emrê xo da têkoşînê azadîye. Ma do tim perwerê vîrameyîşê ey bibê.''