Merkezê Îrtîbatî û Çapemenîye yê HPGyî bi eşkerayîyêke da zanayene ke 11 gerîlayî warê Saca de hêrişanê kîmyewîyan ê dewleta tirke ya îşxalkere de şehîd bîyê. Eşkerayîye wina ya:

''Hêrişê ke 14ê nîsane de bi giranî hewayî ra û 17ê nîsane de zî erdî ra dîyayê destpêkerdene, raştê xoverdayîşê tewr pîlî yê tarîxî ameyî. Artêşa tirke ya îşxalkere rixmo ke artêşa tewr pîle ya diyîne ya NATOyî ya û destekê fînans û leşkerî yê NATOyî gêna çekê kîmyewîyî û bombayê qedexekerdeyî şuxilnayî û nê hêrişan de destekê kurdanê xayînan zî girewt. La rixmê nînan zî nê hêrişê îşxalî yê hîrayî yê dişmenî  vera tewirê Apogîranê fedayîyan de aver nêşîyî. Wextêkê kilmî de armancê înan ê îşxalî û planê ney şikîyayî.

Artêşa tirke ya îşxalkere seba ke planê xo yê îşxalî bîyara ca pêro sûcanê şerî rê muracat kerd û hêrişê xo kiriştî safhayêka bîne. 2021 de û 2022 de artêşa îşxalkere vera hêzanê ma çekê kîmyewîyî û bombayê qedexekerdeyî şuxilnayî. Artêşa îşxalkere vera tunelanê şerî çeka kîmyewî û bombaya qedexekerde reyde kepçeyî zî şuxilnayî ke tunelan birijna. Nê sûcê artêşa tirke hetê hêzanê ma ra bi desan reyî ameyî belgekerdene û pêşkêşê rayaumûmîye ameyî kerdene. Rixmo ke dîmenê ke tunelanê şerî yê Werxelê de qeyd bîyê, ca nêdanê gumanî bêvengîye dewam kerd û bi nê hawayî zî nê hêrişanê vera merdimatîye zî dewam kerd.

Mintiqaya dewa Saca ya bajarekê Şêladizê ya qezaya Amedîyê ya Başûrê Kurdîstanî ya ke herêma Zapî de cagêna, de tunelê şerî yê Şehîd Xursîyî tebaxe ra nata bîyî hedefê artêşa tirke ya îşalkere. Nê tunelî pê teyarayanê şerî, obus, hawan û teqaberanê qedexekerdeyan dîyayî bombayan ver, ame waştene ke erdî ra bêrê rijnayene. Embazanê ma yê tunelanê Şehîd Xursîyî pê performansê xo yê şerî vera dişmenî çalakîyê bitesîrî kerdî, derbê giranî dayî dişmenî ro û dest na xeylêk malzemeyanê dişmenî ser. Artêşa îşxalkere ancax mengêke ra pey eşkaye xo nêzdîyê nê tunelan bikera û vera nê tunelan her hawayî çeka kîmyewîye û bombaya qedexekerde şuxilnaye. La hîrê mengan embazanê ma tîya de xoverdayîşêko destanwarî kerd û bi çalakîyanê xo pêser derbî dayî dişmenî ro. Rixmo ke nê hîrê mengan de bombaya qedexekerde û çeka kîmyewîye şuxilîyaye artêşa îşxalkere fam kerd ke do nêeşka vera îradeyê Apogîran netîce bigêra û coka şuxilnayîşê çeka kîmyewîye zêdîna.

Hêrişê kîmyewîyî ameyî belgekerdene, cigêrayîş wa bêro kerdene

Netîceya şuxilnayîşê teqaberanê qedexekerdeyan û çekanê kîmyewîyan de 5ê kanûne de tunelanê şerî yê Şehîd Xursîyî de 11 embazê ma şehîd bîyî. Wezîrîya Şerî ya dewleta tirke ya ke binê emrê Hulusî Akarî de ya, rayaumûmîye rê zûrî kerdî û vat ke nê embazê ma netîceya pêkewtiş û temasî de şehîd bîyê, sûcê xo yê şuxilnayîşê çeka kîmyewîye nimitî. Her çiqas sûcdarê şerî Hulusî Akar îdîa keno ke înan çeka kîmyewîye qetî nêşuxilnaya, dewleta tirke verî ke Saca ra birema bi giranî çeka kîmyewîye şuxilnaye û 11 embazê ma coka şehîd bîye. Qetî yo ke nê 11 embazê ma bi çeka kîmyewîye şehîd bîyî û no ame qeydkerdene û belgekerdene. Ma rê raşt nîyo ke nika dîmenanê nê şehadetan vila bikerê la ma do dîmenan pêşkêşê dezgehanê cigêrayîşî bikerê. Ma wina beyan kenê ke cayê şehadetê nê embazanê ma dewa Saca ya bajarekê Şêladizê de yo û êyê ke bêrê tede cigêrayîş bikerê ma do hetkarîya înan bikerê.

Fermandarîya Qerargehê Merkezê Pawitişê Şarî eşkerayîya xo ya 18ê teşrîna verêne ya 2022yî de dabi zanayene ke 17 embazê ma bi çekanê kîmyewîyan şehîd bîyê û vengdayîşê ci ser o şarê kurdî, dostanê kurdan û merdimanê wayîrwijdanan nê hêrişan rê îtîraz kerdbi. Rixmê ney zî artêşa îşxalkere nê hêrişanê kîmyewîyan rê dewam kerd. Sîyasetê qirkerdiş, kolonyalkerdiş û îşxalkerdişî yê dewleta tirke yê vera kurdan û bêvengîya dinya ya vera ney girdîya tehlukeyê vera kurdan zî eşkera kena. Şarê kurdî yo ke şaro tewr mazlûm, heqdar o û têkoşînê estbîyayîşî û azadîye keno, qet yew rayîrê ci yo bîn çin o ke her ca de têkoşîn bikero, bi qehremanî xo ver bido. Ma sey fedayîyanê dewaya azadîye ya şarê kurdî bedelê ci çi beno wa bibo do qetî pawitişê cuya azade û şarê ma ra fek vera medê. Vera ma de dişmeno ke merdimatîya xo destî ra daya û dinyaya ke seba menfaetanê xo zulmê vera şarê ma rê bêveng manena est ê. Rixmê ney zî ma do tim perwerê erjanê merdimatîya demokratîke û azade bimanê. Ma do qetî şehadetê ê embazanê ke nê oxirî de ganê xo feda kerd bikerê sebebê pîlkerdişê qerardarî, bawerî û têkoşînê azadîye û qetî armancê înan ser bivisnê.

Nê embazê ma yê qehremanê ke cayanê cîya-cîyayan ê Kurdîstanî ra yê, ma sere de keyeyanê înan ê ercîyayeyan rê, pêro şarê ereb û kurdî rê serweşîye wazenê.

Nasnameyê embazanê ma yê şehîdan wina yê:

Nameyê Qodî: Ferman Kerim Name û Peyname: Mesut Eren Cayê Bîyayîşî: Şirnex Maye-Pî: Taybete – Burhan Tarîx û Cayê Şehadetî: 5ê Teşrîna Peyêne ya 2022yî  / Zap

 

Nameyê Qodî: Sabrî Cîlo Name û Peyname: Xemgîn Şahinoglu Cayê Bîyayîşî: Colemêrg Maye-Pî: Zubeyde – Muslum Tarîx û Cayê Şehadetî: 5ê Teşrîna Peyêne ya 2022yî  / Zap

 

Nameyê Qodî: Jînda Serhed Name û Peyname: Eyleme Akgun Cayê Bîyayîşî: Wan Maye-Pî: Hanife – Harun Tarîx û Cayê Şehadetî: 5ê Teşrîna Peyêne ya 2022yî / Zap

 

Nameyê Qodî: Helmet Viyan Name û Peyname: Bawan Mihemed Cayê Bîyayîşî: Silêmanî Maye-Pî: Direqşane – Mihemed Tarîx û Cayê Şehadetî: 5ê Teşrîna Peyêne ya  2022yî  / Zap

 

Nameyê Qodî: Dilşêr Reqa Name û Peyname: Ebid Ebdilah Cayê Bîyayîşî: Reqa Maye-Pî: Foza – Reşid Tarîx û Cayê Şehadetî: 5ê Teşrîna  Peyêne ya  2022yî  / Zap

 

Nameyê Qodî: Adare Çiya Name û Peyname: Canda İsmail Cayê Bîyayîşî: Amûdê Maye-Pî: Zekiye – İsmail Tarîx û Cayê Şehadetî: 5ê Teşrîna Peyêne ya 2022yî  / Zap

 

Nameyê Qodî: Harun Firat Name û Peyname: Yunus Alkan Cayê Bîyayîşî: Wan Maye-Pî:  Gulsere – Osman Tarîx û Cayê Şehadetî: 5ê Teşrîna  Peyêne ya  2022yî  / Zap

 

Nameyê Qodî: Arvîne Tolhildan Name û Peyname: Pervîne Muhammed Cayê Bîyayîşî: Kobanê Maye-Pî: Bedia – İsmail Tarîx û Cayê Şehadetî: 5ê Teşrîna Peyêne ya  2022yî  / Zap

 

Nameyê Qodî: Azad Pirsûs Name û Peyname:  İsmail Çelik Cayê Bîyayîşî: Uşak Maye-Pî: Peyane – Muslum Tarîx û Cayê Şehadetî: 5ê Teşrîna Peyêne ya  2022yî  / Zap

 

Nameyê Qodî: Hêvî Welat Name û Peyname: Silvana Mihemed Cayê Bîyayîşî:  Heleb Maye-Pî: Resmiye – Nuri Tarîx û Cayê Şehadetî: 5ê Teşrîna Peyêne ya 2022yî  / Zap

 

Nameyê Qodî: Sefkan Adar Name û Peyname: İsa Kurtay Cayê Bîyayîşî: Îdir Maye-Pî: Emine – Yusuf Tarîx û Cayê Şehadetî: 5ê Teşrîna  Peyêne ya  2022yî  / Zap

 

Embaz Ferman Botan de dadîya xo ra beno û 2013 de tewrê gerîlayan beno. O Garê de gerîlatîye keno, vera DAÎŞî şer keno, 2017 de Hêzanê Taybetan de cagêno û sey fermandarêkî Xakurkê de têkoşîn keno. O hêrişê vera Kampa Siyanê ya Garê de zî xo ver dano û dima derbazê Zapî beno. Embaz Ferman hîrê mengan tunelanê şerî yê Şehîd Xursîyî de fermandarîya xoverdayîşê destanwarîyî keno û derbanê giranan dano dişmenî ro. Keda ey do tim verê ma roşnî bikero. 

 

Embaz Sabrî Gever de dadîya xo ra beno û 2015 de tewrê gerîlayan beno. O Zap de dest pê gerîlatîye keno, bi taybetî her cayê Çemçoyî de xebatanê kampe û çekan keno. O hêrişanê 14ê nîsane ra dima verî Saca de têkoşîn keno û dima derbazê tunelanê Şehîd Xûrsîyî keno. O 3 mengan tunelanê Şehîd Xursîyî de fermandarîya mewzîyan keno û embazanê xo rê tim beno çimeyê moral û hêzî. Embaz Sabrî heta nefesê xo yê peyênî îradeyê Apogîrî ra fek vera nêdano.

Embaze Jînda Elbakê Wanî de dadîya xo ra bena û 2013 de tewra gerîlayan bena. A Avaşîn de dest pê gerîlatîye kena, Şingal de vera DAÎŞî şer kena û sey fermandarêka YJA-Starî 2017 de derbazê warê Ciloyê Biçûkî yê Zapî bena. A Saca de bi aktîfî tewra pêro xebatan bena. Mewzîyanê Şehîd Xursîyî de a sey fermandarêka YJA-Starî wezîfe kena û pê serkêşîya çalakîyan qerardarîya xo mojnena ra. Embaze Jîndaya ke hêrişanê kîmyewîyan de şehîd bîya, hertim xeta azadîya cinîyan ser de vindena.

Embaz Helmet Silêmanî de dadîya xo ra beno û 2016 de tewrê gerîlayan beno. O Qendîl de dest pê gerîlatîye keno, her warê leşkerî de xo perwerde keno, Hêzanê Taybetan de cagêno, Zap û Avaşîn de têkoşîn keno. O tunelanê şerî yê Şehîd Xursîyî de hîrê mengan bi qerardarî û bawerî têkoşîn keno, derbanê giranan dano dişmenî ro. O hêrişanê kîmyewîyan ê giranan de beno şehîd.

Embaz Dilşêr sey ewladêkê şarê erebî Reqa de dadîya xo ra beno, û pê tesîrê paradîgmaya Rayberîya ma tewrê gerîlayan beno. O hêrişanê 14ê nîsane ra dima derbazê Zapî beno û tunelanê şerî de vera dişmenî ler keno. Embaz Dilşêr bi kelecan û coşî têkoşîn keno û derbanê giranan dano dişmenî ro. Heta şehadetê xo o zî sey 10 embazanê xo yê bînan tewirê xo yê Apogîrî ra tawiz nêdano.

Embaze Adare şaristanê Amûdê yê Rojawanî de dadîya xo ra bena û 2014 de tewra gerîlayan bena. A Garê de dest pê gerîlatîye kena, Kerkûk de vera DAÎŞî şer kena û dima derbazê Zapî bena. A şer de tim tewr vernî de cagêna û serkewtiş de rolêkê pîlî ana ca. Embaze Adare mewzîyanê Şehîd Xursîyî de îradeyê bêmexlûbî yê Apogîran pêro dinya rê mojnena ra, embazanê xo rê serkêşîye kena.

 

Embaz Harun Westanê Wanî de dadîya xo ra beno û 2014 de tewrê gerîlayan beno. O Xakurkê de dest pê gerîlatîye keno, serê rêçanê di dezayanê xo yê şehîdan de şino. O perwerde û tecrubeyanê pîlan ra dima sey fermandarêkî derbazê Zapî beno û pêro waranê Zapî de şer keno. Embaz Harun Warê Xoverdayîşî yê Saca de, tunelanê Şehîd Xursîyî de serkêşîya embazanê xo keno û pêro erkanê xo bêkêmasî ano ca.

 

Embaze Arvîne Kobanê de dadîya xo ra bena û 2015 de Şorişê Rojawanî ra dima tewra gerîlayan bena. A vera DAÎŞî Şingal de şer kena û dima agêrena koyan. Embaze Arvîne sey fermandarêka YJA-Starî derbazê Zapî bena û tunelanê şerî de bi aktîfî têkoşîn kena. A mewzîyanê şerî yê Şehîd Xursîyî de vera hêrişanê dişmenî têkoşînêkê bêhempayî kena û pêro mesuldarîyanê xo verê embazanê xo de ana ca.

Embaz Azad keyeyêkê  rihayîjî de Uşak de dadîya xo ra beno û 2015 de qezaya Licê ya Amedî de tewrê gerîlayan beno. O Botan de dest pê gerîlatîye keno, Besta û Herekolî ra dima derbazê Herêmanê Pawitişî yê Medya beno. 4 serran o Avaşîn de têkoşîn keno û 2019 de derbazê Zapî beno. O verî Warê Xoverdayîşî yê Kurjahroyî de şer keno û dima Saca de mewzîyanê şerî yê Şehîd Xursîyî de têkoşîn keno. O pêro safhayanê Hemleya Bazanê Zagrosî de cagêno û fermandarîya embazanê xo gêno.

Embaze Hêvîye keyeyêkê rojawanijî de Helebê Sûrîye de dadîya xo ra bena û têkoşînê vera DAÎŞî ra dima 2017 de tewra gerîlayan bena. Embaze Hêvîye pê nê tecrubeyanê pîlan bena milîtanêka serkêş a YJA-Starî. A mîyanê Hemleya Şorişgêre ya Bazanê Zagrosî de derbanê giranan dana dişmenî ro. A tunelanê Şehîd Xursîyî de vera dişmenî bi xurtî gêna û nameyê xo pê herfanê zernênan dana nuştene.

Embaz Sefkan Îdir de dadîya xo ra beno. O dima ke di serran zîndan de maneno verê xo dano koyanê azadan. O Zap de gerîlatîya verêne keno la rixmê şertanê giranan zî cade adapteyê gerîlatîye beno. O mewzîyanê Şehîd Xursîyî de têkoşînî visneno asta leweyî û vera hêrişanê dişmenî beno çimeyê moralî yê embazanê xo. Ma şexsê ey de têkoşînê azadîye seba ke layîqê şehîdanê xo bibê biserkewtişî tacîdar bikerê.''