Merkezê Îrtîbatî û Çapemenîye yê HPGyî bi eşkerayîyêke HPGyî nasnameyê 2 şehîdanê Heftanînî eşkera kerdî.

Eşkerayîya HPGyî wina ya:

''6ê tebaxe de hêrişêkê hewayî yê artêşa tirke ya îşxalkere de Herêma Heftanînî yê Herêmanê Pawitişî yê Medya de embazê ma Kendal û Devrîme şehîd bîyî.

Zanayîşê derheqê nasnameyanê embazanê ma de wina yê:

Nameyê Qodî: Kendal Welat Dersim Name û Peyname: Xemgîn Ozturk Cayê Bîyayîşî: Mêrdîn Maye-Pî: Erebe-Lokman Tarîx û Cayê Şehadetî: 6ê Tebaxa 2020î / Heftanîn   Nameyê Qodî: Devrîme Seyfettîn Name û Peyname: Sidika Narîn Cayê Bîyayîşî: Amed Maye-Pî: Salîha-Ubeyt Tarîx û Cayê Şehadetî: 6ê Tebaxa 2020î / Heftanîn

Embazê ma Kendal Mêrdîn de dadîya xo ra bîyo û vera zorbazîya dewlete serra 2011î de wexto ke karê ciwanîye kerdêne ame tpiştene. Embaz Kendal zîndan de kulturê PKKyî musa û serra 2012î de zîndan de embazanê xo reyde vera tecrîdê Rayber Apoyî tewrê grevê vêşanîye kerd. Embaz Kendal gerîlatîya xo de zî heman qerardarî bawerî, kedkarî û duristîye mojnayî. Embaz Kendal bi ewladê şarê xo û milîtano serkewte yê Rayberîye.

Embaza ma Devrîme Amed de dadîya xo ra bîya û vera teda û qirkerdişanê dewleta tirke ya îşxalkere tewra gerîlayan bîye. Embaze Devrîme wextêkê kilmî de morê xo da serkewtişan û bîye fermandarêka çêre ya têkoşînê azadîye. Prosesê Cengê Heftanînî de zî tewra xeylêk çalakîyan bîye. Embaze Devrîme bi fedakarî, xoverdayîş û tewirê xo mîrasê şehîdan bi xoverdayîşî tacîdar kerd û sey meşale Cengê Heftanînî de rayîrê ma roşnî kerd.

Sere de keyeyanê ercayîyayan ê embazanê ma yê şehîdan rê ma pêro  şarê Kurdîstanî yê welatperweran rê serweşîye wazenê. Ma soz danê ke ma do mîrasê têkoşînî yê şehîdan bi serkewtişî tacîdar bikerê.''