Merkezê Îrtîbatî û Çapemenîye yê HPGyî nasnameyê 2 şehîdanê Zapî eşkera kerdî. Eşkerayîye wina ya:

''Artêşa tirke ya îşxalkere waşt ke herêma Zapî de hêzanê xo pê helîkopteran bîyara ca la pê îradeyê hêzanê ma kewte. Artêşa tirke ya ke helîkopteranê înan derbî werdî, nêeşkaye hêzanê xo bîyara war. Artêşa tirke ya ke nêeşkaya hewayî ra netîce bigêra 18ê nîsane de xîret kerd ke erdî ra aver şora la raştê xoverdayîşê gerîlayan ameye. Milîtananê Apogîran ê çêran, embazanê ma Şervan û Agîtî Warê Xoverdayîşî yê Karkerî de xoverdayîşêko destanwarî nuşt, nêverda dişmen nefes bigêro û derbî dayî dişmenî ro. Wird embazê ma zî nê xoverdayîşî de şehîd bîyî.

Nasnameyê embazanê ma yê şehîdan wina yê:

Embaz Şervan Colemêrg de dadîya xo ra bîyo. Dima ke waya ci Dîcle 2011 de Xakûrkê de şehîd bîya embaz Şervanî seba ke qesasê aye bigêro 2015 de Zap  tewrê gerîlayan bi. Ey Zap de gerîlatîye kerd, tecrube girewte, çalakîyan de ca girewt. Embaz Şervanî 2021 de xeylêk çalakîyanê xoverdayîşê Zapî de serkêşîye kerde û derbê giranî dayî dişmenî ro. Embaz Şervan bi ruhê çêrî şi serê dişmenî û cezakerdişê dişmenî de rolêko pîl ard ca.  Ma soz danê ey ke mîrasê ey ê xoverdayîşî bi serkewtişî temam bikerê.

Embaz Agît Êlih de dadîya xo ra bîyo. Embaz Agîtî 2015 de vera hêrişanê dişmenî verê xo da koyanê azadan.  Embaz Agîtî seba ke xo aver bero tim giranîye daye perwerdeyan. Ey sey embaz Şervanî û ey reyde Zap de tim gerîlatîye kerde. Embaz Agîtî Girê Şehîd Ciwanî de xoverdayîşêko tarîxî kerd û derbê giranî dayî dişmenî ro. Embaz Agîtî taktîkê gerîlatîya dewrê neweyî bi hawayêkê serkewteyî ardî ca û xoverdayîşê bêhempayî de ca girewt û bi milîtanêko efsanewî yê Zapî.

Embaz Agît û Şervanî Xoverdayîşê Zapî de destanî nuştî. Ma keyeyanê înan ê qîmetînan rê û şarê welatperwerî yê Kurdîstanî rê serweşîye wazenê. Ma venga pêro ciwananê Kurdîstanî danê ke wayîrê têkoşînê şehîdanê ma vejîyê, çeka şehîdan erdî de meverdê û tewrê gerîlayan bibê.''