Dewleta tirke heywanê hemwelatîyan qetil kerdî
Leşkeranê dewleta tirke ya îşxalkere dewa Xelîfanî ya bajarekê Sîdekanî de vizêr şewe heywanê hemwelatîyan qetil kerdî.
Leşkeranê dewleta tirke ya îşxalkere dewa Xelîfanî ya bajarekê Sîdekanî ya şaristanê Hewlêrî ya Başûrê Kurdîstanî de vizêr şewe heywanê hemwelatîyan qetil kerdî.
Yeno vatene ke leşkeran heywanî dayê guleyan ver. Hêrişê leşkeranê tirkan de xeylêk heywanî zî birîndar bîyî.
Hemwelatîyanê herême pare kerd ke dewleta tirke pê nê kerdişan armanc kena ke şar herême biterikno.
