HPGyî nasnameyê 3 gerîlayan eşkera kerdî
HPGyî nasnameyê 3 gerîlayanê ke Agirî de 6ê kanûna 2019î de şehîd bîyî eşkera kerdî.
HPGyî nasnameyê 3 gerîlayanê ke Agirî de 6ê kanûna 2019î de şehîd bîyî eşkera kerdî.
Merkezê Îrtîbatî û Çapemenîye yê HPGyî bi eşkerayîyêka nuştekîye nasnameyê 3 gerîlayanê ke Agirî de şehîd bîyî eşkera kerdî.
Eşkerayîya HPGyî wina ya:
"Ma eşkerayîya xo ya 2ê çeleyî de dabi eşnawitene ke 6ê kanûna 2019î de warê dewa Mûşîyanî ya Tûtaxî ya Agirî de artêşa TCyî ya îşxalkere operasyonêk da destpêkerdene û nê operasyonî de şer vejîya û netîceyê şerî de zî 3 embazê ma yê ke bi hawayêkê çêrî şer kerdêne şehîd bîyî. Zanayîşê derheqê embazanê ma yê şehîdan de wina yê:
Nameyê Qodî: Efterya
Name û Peyname: Rojîne Karakoç
Cayê Bîyayîşî: Erzirom
Maye-Pî: Zeynepe-Mehmet Latîf
Tarîx û Cayê Şehadetî: 6ê Kanûna 2019î / Agirî
Nameyê Qodî: Alîşer Mazlûm
Name û Peyname: Atîlla Kandemîr
Cayê Bîyayîşî: Erzirom
Maye-Pî: Mûttebere-Enver
Tarîx û Cayê Şehadetî: 6ê Kanûna 2019î / Agirî
Nameyê Qodî: Madûra
Name û Peyname: Gulîstane Yildiz
Cayê Bîyayîşî: Erzîrom
Maye-Pî: Gulîstane - Halîl
Tarîx û Cayê Şehadetî: 6ê Kanûna 2019î / Agirî
Embazê ma Efterya, Alîşer û Madûra yê ke vera hêrişanê îşxalkeran ê dişmenî gerîlayan reyde cagirewt, tewrê xoverdayîşê tarîxî yê Eyaletê Serhedî bîyî. Vera dişmenî destanê çêrîye nuşt û heta fîşekê xo yê peyênî şer kerd, derbê giranî dayî dişmenî ro û tewrê kerwanê şehîdanê bêmergan bîyî.
Sere de keyeyanê embazanê ma yê ercayeyan rê ma pêro şarê Kurdîstanî yê welatperwerî rê serweşîye wazenê û ma soz danê ke ma do alaya înan a azadîye berz bikerê."