Merkezê Îrtîbatî û Çapemenîye yê HPGyî nasnameyê 3 şehîdanê Gabarî eşkera kerdî. 

Eşkerayîye wina ya:

''2yê kanûna 2022yî de operasyonê dişmenî yê vera Gabarî de embazê ma yê ercîyayeyî Silave Koçer, Fedakar Hêlîn û Egîd Nîzîp ê ke heta nefesê xo yê peyênî milîtanîya Apogîrî de isrardar bîyê, şehîd bîyî. Nê embazê ma bîyî temsîlkarê fedayîtî yê peyênî yê ke serkêşîya Fermandar Egîdî de ame averberdene û bi Adil, Nûda û Gelhatan dewam keno.

Ma sere de keyeyanê embazan Silave, Fedakar û Egîdî yê ercîyayeyan rê pêro şarê Kurdîstanî yê welatperwerî rê serweşîye wazenê.

Nasnameyê embazanê ma yê şehîdan wina yê:

Embaze Silava Sêrt de dadîya xo ra bena. A 2009 de lîse qedînena û tewra gerîlayan bena. Embaze Silava Garê de pratîk kena, 2011 de derbazê Qendîlî bena û 2014 de Akademîya Mazlûm Doganî de perwerde vînena. Embaze Silava 2016 de sey fermandarêka YJA-Starî derbazê Herekolî bena. Embaze Silava tim xeta fedayîyan de şina, bi hawayêkê bitesîrî têkoşîn kena û heta nefesê xo yê peyênî bena perwera şehîdan. 

Embaz Fedakar keyeyêkê mêrdînijî de Îstanbul de beno pîl. O 2015 de Nisêbînî ra tewrê gerîlayan beno. O nameyê xalê xo yê şehîdî û amika xo ya şehîde gêno. Embaz Fedakar Avaşîn de pratîk keno, Dibistana Mehmet Goyîyî de perwerde vîneno û 2018 de derbazê Gabarî beno. O Gabar de çalakîyanê serkewteyan de cagêno û tim keno ke bi tewirê serkewtişî têbigêro.

Embaz Egîd keyeyêkê pirsûsijî de Nîzîp de dadîya xo ra beno. Embaz Egîd 2016 de tewrê gerîlayan beno. Embaz Egîd bi taybetî Botan de bi perwerdeyan xo aver beno. O Gabar de bi hawayêkê serkewteyî têkoşîn keno û tim tewr vernîya şerî de cagêno. Embaz Egîd sey gerîlayêkî pêro erk û mesuldarîyanê xo bêkêmasî ano ca.''