Merkezê Îrtîbatî û Çapemenîye yê HPGyî nasnameyê hîrê şehîdanê Metîna eşkera kerdî. Eşkerayîye wina ya:

''Herêmanê Pawitişî yê Medya de xoverdayîşêko destanwarî yeno kerdene û gerîlayê azadîye pêro hêrişanê dewleta tirke ya kolonyalîste pê têkoşînê xo pûç kenê. Serkêşanê nê xoverdayîşê destanwarîyî embazanê ma Vîyane, Serhildan û Ferhat nê têkoşînê ezîzî de nameyê xo tarîxî ser o neqş kerdî. Nê embazanê ma her hela xo seba azadîya şarê xo pê têkoşînî derbaz kerd. Nê embazê ma bi fedayîtîya xo, waştişê xo yê azadîye, ked û fedakarîya xo tim do mîyanê têkoşînê ma de bêrê vîrardene.

Ma sere de keyeyanê înan ê ercîyayeyan rê pêro şarê Kurdîstanî yê welatperwerî rê serweşîye wazenê. Ma reyna soz danê ke do xeyalanê embazanê xo teqîb bikerê.

Nasnameyê embazanê ma yê şehîdan wina yê: 

Embaze Vîyane Nisêbîn de dadîya xo ra bena. Embaze Vîyane hêverî tewra Şorişê Rojawanî bena. A vera DAÎŞî Şingal û Rojawan de şer kena, 2017 de Minbic de vera hêrişanê dewleta tirke xo ver dana. Embaze Vîyane 2019 de verê xo dana koyan û bena gerîla. A cade bena gerîlayêka YJA-Starî ya serkewte. A di serran Zap, Avaşîn û Metîna de şer kena. Embaze Vîyane bi taybetî Metîna de derbanê giranan dana dişmenî ro. Embaze Vîyane do tim pê rîyê xo yê huyayeyî û kesayetê xo bêra vîrardene.

Embaz Serhildan Silopîya de dadîya xo ra beno. Embaz Serhildan xoverdayîşê Kobanê yê Vakurê Kurdîstanî de qerar dano û 2015 de tewrê gerîlayan beno. Embaz Serhildan 5 serran pêro xebatan de performansêkê serkewteyî nîşan dano, bê teredutî şino dişmenî ser û îradeyê Apogîran îsbat keno. Embaz Serhildan Metîna de kedêka pîle dano û tim beno perwerê Rayber Apoyî û şehîdan.

Embaz Ferhat şaristanê Bane yê Rojhelatê Kurdîstanî de dadîya xo ra beno. O wextê Şorişê Rojawanî de têgêrayîşê ma şinasneno û cigêrayîşan ra pey 2020 de beno gerîla. Embaz Ferhat Qendîl de bi îdîayêka pîle gerîlatîye keno û dima derbazê Metîna beno. Metîna de o bi coş û kelecanî vera dişmenî şer keno, çalakîyanê serkewteyan rê serkêşî keno û xeta Rayberîye de bi qerardarî xo ver dano. ''