Merkezê Îrtîbatî û Çapemenîye yê HPGyî nasnameyê hîrê şehîdan eşkera kerdî. Eşkerayîye wina ya:

''13ê Sibata 2020î de Eyaletê Amedî de prosesê mewzîkerdişê zimistanî de embazê ma Rodî Baz, Çîyager Batman û Pasûr Amed netîceya komployî de şehîd bîyî. Ma nê hîrê embazanê ma yê fedayî û qehremanan bi rêzî yad kenê.

Embazanê ma ruhê Apogîrî yê fedayî de xo xorin kerd, xo gerîlatîye de aver berd û bêteredutî şer kerd. Ma sere de keyeyanê şehîdanê xo yê ercîyayeyan rê pêro şarê Kurdîstanî yê welatperwerî rê serweşîye wazenê.

Nasnameyê embazanê ma yê şehîdan wina yê:

Embazê ma Rodî Amed de keyeyêkê welatperwerî de dadîya xo ra beno. O hêverî xebatanê ciwanan de cagêno û 2014 de zî verê xo dano koyan. O Amed de perwerde vîneno û 2015 de  bi xurtî cewab dano hêrişanê dişmenî. O Amed de tewrê xeylê çalakîyanê serkewteyan beno. O bi tewir û kesayetê xo moral û hêz dano embazanê xo yê çeperan zî û felsefeya Apogîre bi xurtî temsîl keno.

Embazê ma Çîyager Êlih de keyeyêkê welatperwerî de dadîya xo ra beno. O cigêrayîşan ra pey 2018 de  verê xo dano koyan û beno gerîla. O Amed de perwerde vîneno, o beno wendekarê Fermandarê Efsanewî Çîyager Hêvî.  Embazê ma Çîyager koyan de beno wayîrê kedêka pîle. O heta nefesê xo yê peyênî xeta partîya ma paweno û keno ke tim derban bido dişmenî ro.

Embazê ma Çîyager Pasûr Amed de keyeyêkê welatperwerî de dadîya xo ra beno. O hêverî tewrê xebatanê dişmenî beno û dima 2018 de verê xo dano koyan. O Amed de perwerde vîneno û xeylêk waranê Amedî de şer keno. Embazê ma Çîyager Pasûr Amed de beno wayîrê tecrubeyanê pîlan û bi xurtî têkoşîn keno. Embazê ma keno ke her hela xo bi mana biciwîyo û nê esasî ser o zî şehîd beno.''