Merkezê Îrtîbatî û Çapemenîye yê HPGyî nasnameyê 3 şehîdanê Mêrdînî eşkera kerdî. Eşkerayîye wina ya:

''Warê Mêrdînî yo ke pê xoverdayîşê xo yê ezametînî vîrê şarê ma de cabîyo, heta ewroyî tradîsyonê xo yê xoverdayîşî ard ca. Warê Mêrdînî rixmê pêro xîretanê dişmenî zî xeta xoverdayîşî ra apey game nêeşte û kerd ke dişmen bikewo mîyanê sendroman. Serkêşîya nê xoverdayîşî fermandaranê ma Botan Hakkarî, Xebatkar Baran, Soro Amed, Zinarîn, Hewram, Hîra, Sozdar û bi desan şehîdanê ma kerde. Embazanê ma Dîrene Bagok, Arjîne Xwînda Gabar û Êrîş Şinoyî zî sey fermandaranê serkêşan nê xoverdayîşî rê dewam kerd û 27ê temmuza 2022yî de warê Bagokî de hêrişan de şehîd bîyî. Ma soz danê ke mîrasê têkoşînî yê nê embazanê xo bi layîqî pê hişmendî û mesuldarîye biresnê serfîrazîye.

Sere de keyeyanê embazanê ma Dîrene, Arjîne û Êrîşî yê ercîyayeyan ma pêro şarê welatperwerî yê Kurdîstanî rê serweşîye wazenê.''

Nasnameyê embazanê ma yê şehîdan wina yê:

Nameyê Qodî: Dîrene Bagok Name û Peyname: Emîne Akdogan Cayê Bîyayîşî: Mêrdîn Maye-Pî: Nesrîye – Abdulkadîr Tarîx û Cayê Şehadetî: 27ê Temmuza 2022yî / Mêrdîn

Nameyê Qodî: Arjîn Xwînda Gabar Name û Peyname: Hedîye Suer Cayê Bîyayîşî: Mêrdîn Maye-Pî: Cemîle – Abdullah Tarîx û Cayê Şehadetî: 27ê Temmuza 2022yî / Mêrdîn

Nameyê Qodî: Êrîş Şino Name û Peyname: Şahap Xanzade Cayê Bîyayîşî: Şino Maye-Pî: Hanime – Ebubekîr Tarîx û Cayê Şehadetî: 27ê Temmuza 2022yî / Mêrdîn

 

Embaze Dîrene Nîsêbîn de dadîya xo ra bena. A verî xebatanê ciwanan de cagêna û 2013 de zî tewra gerîlayan bena. Embaze Dîrene gerîlatîye de serkewtişî ra ber xo rê çîyêkê bînî esas nêkena û tim wanena, cigêrena. A sey şerwanêka YJA-Starî bi xurtî tewra xebatanê perwerde û leşkerîyan bena û tim xo aver bena. Embaze Dîrene verî di serran Zap de têkoşîn kena. Wextê hêrişanê DAÎŞî de a derbazê Kerkûkî bena û erkanê xo ana ca. Embaze Dîrene 2013 de pê waştişê xo derbazê Warê Mêrdînî bena. A Mêrdîn de xeylêk pratîkan kena û sey fermandarêka YJA-Starî wezîfe kena. Ma soz danê ke xeyalanê aye bîyarê ca.

Embaze Arjîne mîyanê keyeyêkê dêrikijî de Wêranşar de dadîya xo ra bena. Embaze Arjîne şehadetê xalê xo û hêrişanê DAÎŞî yê vera Kobanê ra dima 2014 de Gabar de tewra gerîlayan bena. A verî Gabar de gerîlatîye kena, xo aver bena û tecrubeyanê pîlan visnena destî. Embaze Arjîne Gabar de sey şerwanêka YJA-Starî tewra xeylêk çalakîyan bena û 2018 de zî derbazê Herêmanê PAwitişî yê Medya bena. A tîya de Akademîya Şehîde Bêrîtane de perwerde vînena. A pê nê perwerdeyî zî xo hetê milîtanîye ra aver bena. Embaze Arjîne dima waştişê xo ser o, bi kelecan û şayî derbazê Vakurê Kurdîstanî bena. Ma soz danê ke bibê layîqê mîrasê aye yê têkoşînî.

 

Embaz Êrîşî şaristanê Şinoyî yê Rojhelatê Kurdîstanî de dadîya xo ra beno. O verî mîyanê xebatanê sîyasîyan de ca gêno û hêrişanê DAÎŞî ra dima 2015 de tewrê gerîlayan beno. O cade hetê gerîlatîye ra xo aver beno. Embaz Êrîş vera cergan bi serran têkoşîn keno û tecrubeyanê pîlan visneno destî. Embaz Êrîş dima derbazê Vakurê Kurdîstanî beno û vera artêşa tirke ya îşxalkere şer keno. Embaz Êrîş warê Mêrdînî de tecrubeyanê xo pratîze keno. Ma soz danê ke xeyalanê ey bi serfîrazîye tacîdar bikerê.''