Merkezê Îrtîbatî û Çapemenîye yê HPGyî nasnameyê 4 gerîlayan ê şehîdan eşkera kerdî. Eşkerayîye wina ya:

''Dewleta tirke ya îşxalkere 7ê êlula 2021î de warê Kato Marînosî yê Elkê yê Şirnexî de operasyonêk dabi destpêkerdene û bombardumananê nê operasyonî de embazê ercîyayeyî yê şarê ma Azad û Êriş şehîd bîyî ke semedê azadîya şarê ma cepheyê têkoşînî de ca girewtbi.

Nasnameyê embazanê ma wina yê:

Nameyê Qodî: Azad Gewda Name û Peyname: Agît Acar Cayê Bîyayîşî: Şirnex Maye-Pî: Adule – Osman Tarîx û Cayê Şehadetî: 7ê Êlula 2021î / Kato Marînos

Nameyê Qodî: Êrîş Andok Name û Peyname: Abdullah Yîgît Cayê Bîyayîşî: Şirnex Maye-Pî: Meryeme – Selîm Tarîx û Cayê Şehadetî: 7ê Êlula 2021î / Kato Marînos

Embaz Azad qezaya Elkê ya Şirnexî de dadîya xo ra bîyo. Embaz Azad semedo ke hesabê embazanê xo yê şehîdan biperso 2013 de tewrê gerîlayan bi. Embaz Azadî wextêk Garê de gerîlatîye kerde dima zî Şingal de vera DAÎŞî şer kerd. Embaz Azad nê şerî de bi wayîrê tecrubeyan û fermandarêk. Embaz Azad dima ke 2018 de hêzê ma Şingalî ra ameyî apeyantene wextêk perwerdeyo îdeolojîk û leşkerî da embazanê xo. Embaz Azado ke tim waştêne Vakurê Kurdîstanî de wezîfe bikero sey fermandarêkî agêra erdê Botanî. Embaz Botanî pêro wezîfeyê xo bi serkewtişî ardî ca û bi mîsalanê tewr girîngan ê Gerîlatîya Modernîteya Demokratîke ra yew.

Embaz Êrîş Şirnex de dadîya xo ra bîyo. Embaz Êrîşî 2013 de xeyalê xo yo pîl kerd raşt û verê xo da koyan. Embaz Êrîşî sere de Herêmanê Pawitişî yê Medya de xeylêk cayanê Başûrê Kurdîstanî de xeylêk wezîfeyî kerdî û bi wayîrê tecrubeyan. Embaz Êriş nê prosesî de pê kesayet û milîtanîya xo embazanê xo rê bi mîsal. Dima embaz Êrîşî firsend dî ke erdê xo Botan de gerîlatîye bikero. O Botan de pê moral û kelecanî tewrê pêro xebatan bi. Ey nê xebatan de serkewtişê pîlî vistî destî û pê nê tecrubayanê xo warê Botanî de rayberîya xeylêk xebatan zî kerde.

Besta de 2 şehîdî

9ê tebaxa 2021î de artêşa tirke ya îşxalkere vera waranê Girê Tenûre, Gêsin û Mergûmarî yê Besta operasyonê îşxalî dabi destpêkerdene. Bombardumanê nê operasyonî de embazê ma Şoreş û Jiyane şehîd bîyî.

Nasnameyê embazanê ma yê şehîdan wina yê:

Nameyê Qodî: Şoreş Masîro Name û Peyname: Îbrahîm Kaya Cayê Bîyayîşî: Wan Maye-Pî: Ayşe – Îsmaîl Tarîx û Cayê Şehadetî: 9ê Tebaxa 2021î / Besta

Nameyê Qodî: Jiyane Koçer Name û Peyname: Dîlane Înan Cayê Bîyayîşî: Sêrt Maye-Pî: Muhbete – Tayyar Tarîx û Cayê Şehadetî: 9ê Tebaxa 2021î / Besta

Embaz Şoreş Wan de dadîya xo ra bîyo. Embaz Şoreş ciwanîya xo de tewrê xebatan bi. Dima ke warê Masîroyî de 2018 de 6 embazê ma şehîd bîyî embaz Şoreşî bire daye ke tewrê gerîlayan bibo. Embaz Şoreşî cuya gerîlatîya xo de tim Başûrê Kurdîstanî de wezîfe kerd û gerîlayêko marîfetîn. Ey wextêkê kilmî de xo aver berd û bi wayîrê tecrubeyan. Embaz Şoreş pê kede û zerrînizmîya xo bi mazharê hûrmetê embazanê xo. O do tim têkoşînê embazanê xo de bêro vîrardene.

Embaze Jiyane Sêrt de dadîya xo ra bîya. Embaze Jiyane ferzkerdişê sîstemî yê vera cinîyan red kerdî û verê xo da koyan. Embaze Jiyane tim xîret kerd ke xo aver bera, tesîrê sîstemî ra xelisîyaye û kewte peyê cigêrayîşanê cinîya azade. Embaze Jiyane warê leşkerîye de zî xo aver berd û bîye gerîlayêka marîfetîne ya YJA-Starî. Embaze Jiyane rixmo ke gerîlayêka ciwane bîye azadîye ra ber rayîrêk esas nêgirewt, bi qerardarî xeta serkewtişî ra şîye û embazanê xo rê bîye mîsala embazîye.

Ma sere de keyeyanê ercîyayeyan ê embazanê xo rê pêro şarê welatperwerî yê Kurdîstanî rê serweşîye wazenê. Ma sozê serfîrazî yo ke dabi Rayberîya xo û şehîdanê xo dibare kenê.''