Merkezê Îrtîbatî û Çapemenîye yê HPGyî bi eşkerayîyêke nasnameyê 4  şehîdan eşkera kerdî û nê pare kerdî:

''Herêmanê Avaşîn û Zapî de gerîlayî vera hêrişanê qirkerdişî yê dewleta tirke têkoşînê tarîxî danê. Hemrayanê ma Bilind, Kendal, Nûman  û Ronîyî semedê azadîya şarê xo bi hewayêkê qerardarî şer kerd û tewrê kerwanê şehîdan bîyî. Bedelê ci  çi beno wa bibo ma do têkoşînê nê hemrayanê xo yê qehremanan biresnê serkewtişî

Nasnameyê embazanê ma yê şehîdan wina yê:

Nameyê Qodî: Bilind Milî Name û Peyname:  Yusuf Milî Cayê Bîyayîşî: Hesekê   Maye-Pî:  Emîne – Davut Tarîx û Cayê Şehadetî: 30ê Hezîrana 2022yî / Avaşîn

 

Nameyê Qodî: Kendal Botan Name û Peyname: Kendal Botan Cayê Bîyayîşî: Reqa Maye-Pî: Zara – Enter Tarîx û Cayê Şehadetî: 30ê Hezîrana 2022yî / Avaşîn

 

Nameyê Qodî: Numan Amed Name û Peyname: Ramazan Temiz Cayê Bîyayîşî: Amed Maye-Pî: Medya – Nezir Tarîx û Cayê Şehadetî: 15ê Tebaxa 2022yî / Zap

 

Nameyê Qodî: Ronî Botan Name û Peyname: Nurullah Osal Cayê Bîyayîşî: Şirnex Maye-Pî: Nuriye – Mehmet Selim Tarîx û Cayê Şehadetî: 15ê Tebaxa 2022yî / Zap

 

Hemrayê ma Bilind bajarê Hesekê yê Rojawanê Kurdîstanî de yeno dinya û bi kulturê welatperwerîye beno pîl. Hemrayê ma Bilind 2009 de tewrê sefanê gerîlayan beno û xeylêk wext waranê Gerê û Metîna de pratîk vîneno. 2014 de seba ke vera çeteyanê DAÎŞî şarê xo bipawo ravêreno mewzîyanê têkoşînî û dima ra reyna agêreno koyanê azadan ê Kurdîstanî.

Sere de Avaşîn xeylêk waranê Herêmanê Pawitişî yê Medya gerîlatîye keno û çalakîyanê serkewteyan de ca geno. Akademîya Hakî Karerî de perwerdeyê îdelojîkî vîneno û sey fermandarê yewîye reyna agêreno Avaşînî. 2021 de vera hêrişê dişmenî çalakîyan de ca geno û derbeyanê giran dano dişmenî ro.

Hemrayê ma Kendal bajarê Reqa yê Rojawanê Kurdîstanî de yeno dinya û bi kulturê welatperwerîye beno pîl. Hemrayê ma Kendal 2017 tewrê sefanê Gerîlayanê Azadîye yê Kurdîstanî beno. Wextêk Garê de maneno bado ke biney tecrube keno pêser ravêreno warê Avaşînî.  Xeylêk çalakîyan de sefanê verênan de cayê geno û wezîfeyanê xo bi serekwtişî ano ca. Hemrayê Kendal warê Werxelê de vera hêrişan bi hewayêkê qerardarî cewab dano û sey fermandarê serkêşî yê têkoşînê tarîxîyî tewrê kerwanê şehîdan beno û beno sembolê şehîdanê Hemleya Şorişgêre ya Bazanê Zagrosî ra.

Hemrayê ma Nûman Amed de yeno dinya û bi tradîsyonê welatperwerîye beno pîl. 2014 de tewrê sefanê gerîlayan beno û xeyalanê yê qictîye ano ca. Badê perwerdeyê gerîlatîye beno gerîlayêko pîspor.

Bado ke Qendîl de pratîkê gerîlatîye vîneno ravêreno herêma Zapî. Hemreyê ma Nûman tim xo hetê îdeolojîkî ra aver beno çîyo ke museno embazanê xo reyde pare keno. Sey mîlîtanêkê serkewteyî tewrê xebetan beno û hetê embazanê xo ra zaf yeno heskerdene.

Hermrayê ma Ronî Şirnex de yeno dinya û bi tesîrê dormeyo ke tede beno pîl hema qictîya xo de têkoşînê ma nas keno. 2015 de Botan de tewrê sefanê gerîlayan beno ke erd û şarê xo bipawo. Wextêk Besta de gerîlatîye keno û dima ra ravêreno herêma Metîna. Badê perwerdeyê serkewteyî tewrê pratîkî beno. Metîna û Garê de maneno û rixmo ke birîndar beno lazabez beno weş agrêreno cepheyê şerê germinî. Pê tecrubeyê pîlî ravêreno herêma Zapî û Hemleya Şorişgêre ya  Bazanê Zagrosî de derbenê girdan dano dişmenî ro. Hemrayê ma Ronî demê kilmî de beno fermandarêko serkewte.

Ma sere de keyeyanê ercîyayeyan ê hemrayanê xo yê qehremanan Bilind, Kendal, Numan û Ronî rê pêro şarê welatperwerî yê Kurdîstanî rê serweşîye wazenê.''