Merkezê Îrtîbatî û Çapemenîye yê HPGyî nasnameyê 4 şehîdanê Girê Cûdîyî eşkera kerdî. 

Eşkerayîye wina ya:

''8ê tebaxa 2024î de, saete 01.45 de Warê Xoverdayîşî yê Girê Cûdîyî yê Herêma Şehîd Delîlî de hêzanê ma di baskan ra vera girêko ke tede îşxalkerî cabibî çalakîye kerde. Embazanê ma bi bombayanê destan û çekanê ferdîyan da îşxalkeran ro û mabênê îşxalkeran û hêzanê ma de pêkewtişî qewimîyayî. Netîceya pirodayîşê hêzanê ma de 3 mewzîyê dişmenî ameyî îmhakerdene. Warê çalakîye hetê artêşa tirke ya îşxalkere ra saete 02.10 de 6 reyî bi teyarayanê şerî dîyayî bombayan ver.

Netîceya bombarduman û pêkewtişan de ewladê şarê ma yê ercîyayeyî Agir Çekdar, Besta Agir, Asmîn Seyît û Cemal Dêrazor şehîd bîyî. Ma nê embazanê xo yê ke hertim bi fedayîtî şer kerd û bi qehremanî tewiro fedayî mojna bi rêzî yad kenê. Ma sere de keyeyanê şehîdanê xo yê ercîyayeyan rê, pêro şarê Kurdîstanî yê welatperwerî rê serweşîye wazenê.

Nasnameyê şehîdanê ma wina yê:

Nameyê Qodî: Agir Çekdar Name û Peyname: Serdar Kilinç Cayê Bîyayîşî: Bedlîs Maye-Pî: Semîha – Maruf Tarîx û Cayê Şehadetî: 8ê Tebaxa 2024î / Zap

 

Nameyê Qodî: Besta Agir Name û Peyname: Evîne Ateş Cayê Bîyayîşî: Sêrt Maye-Pî: Nurîye – Îbrahîm Tarîx û Cayê Şehadetî: 8ê Tebaxa 2024î / Zap

 

Nameyê Qodî: Asmîne Seyit Name û Peyname: Zehra Angay Cayê Bîyayîşî: Amed Maye-Pî: Ayhan – Mehmet Sidik Tarîx û Cayê Şehadetî: 8ê Tebaxa 2024î / Zap

 

Nameyê Qodî: Cemal Dêrazor Name û Peyname: Beşar Salih Cayê Bîyayîşî: Dêrazor Maye-Pî: Yezîye– Salîh Tarîx û Cayê Şehadetî: 8ê Tebaxa 2024î / Zap

 

Embazê ma Agir Tetwanê Bedlîsî de dadîya xo ra beno. O wextêk xebatanê şaristanan de cagêno û 2013 de tewrê gerîlayan beno.O Herêmanê Pawitişî yê Medya de perwerde vîneno û tîya de beno wayîrê tecrubeyan. O mîyanê Hêzanê Taybetan de zî cagêno û dima derbazê Herêma Şehîd Delîlî ya Rojawanê Zapî beno. O beno fermandarêko çêr û erkan û mesuldarîyanê xo bêkêmasî ano ca.

 

Embaza ma Besta Sêrt de dadîya xo ra bena. Embaze Bestaya ke kekê ci zî gerîla bi, hêrişanê DAÎŞî ra dima 2014 de tewra gerîlayan bena. A wextêkê kilmî de bena gerîlayêka YJA-Starî ya marîfetîne. A mîyanê hêzanê Taybetan de cagêna û şehadetê kekê xo ra dima bi hêrsî têkoşînê xo aver bena. Embaza ma Besta tim bêteredutî şina dişmenî ser û çalakîyanê xurtan rê serkêşîye kena.

 

Embaza ma Asmîne Amed de dadîya xo ra bena. A şehadetê xalê xo û kêna apê xo ra dima cigêrayîşanê xo kena xorin û tewra gerîlayan bena. A Herêmanê Pawitişî yê Medya de perwerde vînena, sey gerîlayêka YJA-Starî bi mesuldarî têgêrena û bena layîqa şehîdan. a tewra Hêzanê Taybetan bena û bi xurtî tîya de zî têkoşîn kena. Embaza ma Asmîne heta şehadetê xo nêvindena.

Embazê ma Demîr sey ewladê şarê erebî Dêra Zorê de dadîya xo ra beno.O mîyanê Şorişê Rojawanî de cagêno û Girê Sipî de vera îşxalê dewleta tirke şer keno.Embazê ma dima tewrê gerîlayan beno. O mîyanê gerîlayan de xo hîna aver beno û Zap de pêro erk û mesuldarîyanê xo bêkêmasî ano ca. Embazê ma Cemal bi ruhê layîqê şehîdan têgêreno û bêteredutî xo seba têkoşînê azadîye feda keno.''