Merkezê Îrtîbatî û Çapemenîye yê HPGyî derheqê şehdatê 4 gerîlayan de eşkerayîyêka nuştekîye daye û nê zanayîşî pare kerdî.

''5ê tebaxe de qezaya Dêrîkî ya Mêrdînî de operasyonêk dîya destpêkerdene û 8ê tebaxe de mabênê hêzanê ma û îşxalkeran de pêkewtişî qewimîyayî. Pêkewtişanê ke heta saetanê şanî yê roja bîne dewam kerdî de 3 îşxalkerî ameyî cazakerdene û xaylêk zî binîrdar bîyî. Nê pêkewtişan de embazê ma Dîrene Avent û Hêvî Herekol seba ke çeke înan destê dişmenî mekewê ê îmha kerdî û bombayê xo serê xo de teqnayî û bi hawayêkê fedaîyî tewrê kerwanê şehîdan bîyî.

Zanayîşê nasnameyanê embazanê ma yê şehîdan wina yê:

 

Nameyê Qodî: Dîrene Avent

Name û Peyname: Gulîstane Şahîn

Cayê Bîyayîşî: Wan

Maye-Pî: Esmere  Pêrî - Hecî

Tarîx û Cayê Şehadetî: 08 Tebax a 2020î / Mêrdîn

 

Nameyê Qodî: Hêvî Herekol

Name û Peyname: Hunave Ayhan

Cayê Bîyayîşî: Sêrt

Maye-Pî: Atîşahe - Nezîr

Tarîx û Cayê Şehadetî: 08 Tebax a 2020î / Mêrdîn

Embazê ma Dîrene û Hêvî yê ke tarîxanê cîyayan de ameyî dinya, keyeyanê kedkar û welaperwer de bi hîkayeyanê xoverdayîşê têgêrayîşê azadîye bîyî pîl û semedê azadîya şar û welatê xo verê xo da koyanê Kurdîstanî. Embazê ma Dîrene û Hêvî ke heta guleyê xo yê peyênî bi hawayêkê qehremankî şer kerd do bi xoverdayîşê xo yê destankî tim vîrê ma de bî û rayîrê ma roşn bikerê.

Artêşa tikre 20ê êlule de waranê Sirtê Bakê, Sirtê Tatos û Şehîd Mordemî yê herêma Sumbulî ya Colemêrgî de operasyonê da destpêkedene. Operasyono ke heta 26ê êlule dewam kerd de hêrişê hewayî û pêkewtişan de embazê ma Resul Herekol û Brusk Kop şehîd kewtî.

Zanayîşê nasnameyanê embazanê ma yê şehîdan wina yê:

Nameyê Qodî: Resul Herekol

Name û Peyname: Mehmet Nazim Îlhan

Cayê Bîyayîşî: Sêrt

Maye-Pî: Makbule - Abdulmuhsin

Tarîx û Cayê Şehadetî: 21ê Êlul a 2020î / Colemêrg

 

Nameyê Qodî: Brusk Kop

Name û Peyname: Samet Kara

Cayê Bîyayîşî: Mûş

Maye-Pî: Musbete – Mehmet Zahîr

Tarîx û Cayê Şehadetî: 21ê Êlul a 2020î / Colemêrg

Hemrayê ma Resulo ke Sêrtê keyeyêko welatperwer de bi pîl seranê xo ciwanîye de partîya ma nas kerd û 2013 de tewrê sefanê gerîlayan bi. Embazê ma Brusko ke keyeyêko welatperwer de ame dinya û metropol de bi pîl artêşa tirke ra fîrar kerd û tewrê sefanê gerîlayan bi. Her di embazanê ma zî heta hela peyêne semedê şar û erdê xo têkoşîn kerd û heme  wezîfeyê xo bi serkewtiş ardî ca.

Sere de keyeyê erjîyayeyî yê hemrayanê ma yê şehîdan wa sereyê heme şarê ma yê welatperwerî weş bo. Ma soz danê ke ma do waştişê şehîdanê xo bîyarê ca.''