Merkezê Îrtîbatî û Çapemenîye yê HPGyî bi eşkerayîyêke nasnameyê 5 şehîdan eşkera kerdî. Eşkerayîye wina ya:

''Çarçewa Hemleya Şorişgêre ya Şehîd Savaş Maraşî ya Cengê Xabûrî de, Waranê Xoverdayîşî de her roje derbê giranî dîyayî dişmenî ro. Tesîranê na hemle ra dişmen neçare mend ke xeylêk waran ra xo apey bigêro. Bêguman na hemle xêrê kedanê embazanê ma yê şehîdan ra resaye na aste. Embazê ma Nîrvana û Welat 26ê tebaxa 2022yî de, embazê ma Munzur, Egîd û Êrîş zî temmuza 2022yî de sey serkêşê na hemle şehîd bîyî ke nînan çarçewa na hemle de erkê krîtîkî ardî ca, vera hêrişanê dişmenî rolê pîlî girewtî xo ser û şerê vera dişmenî aver berd.

Nê embazê ma yê şehîdî heta nefesê xo yê peyênî bîyî perwerê Rayberîye, şehîdanê ma û erjanê azadîye yê şarê ma û bîyî mîlîtanê serkewteyî yê nimûneyî. Ma sere de keyeyanê înan ê ercîyayeyan rê, pêro şarê welatperwerî yê Kurdîstanî rê serweşîye wazenê.

Nasnameyê embazanê ma yê şehîdan wina yê:

Nameyê Qodî: Nîrvana Nînhûrsag Name û Peyname: Zerrîne Abîç Cayê Bîyayîşî: Mêrdîn Maye-Pî: Turkane– Selahattin Tarîx û Cayê Şehadetî: 26ê Tebaxa 2022yî / Herêmê Pawitişî yê Medya

Nameyê Qodî: Welat Dalaho Name û Peyname: Porîya Îrfanî Cayê Bîyayîşî: Kirmanşan Maye-Pî: Turane – Mahmud Tarîx û Cayê Şehadetî: 26ê Tebaxa 2022yî / Herêmê Pawitişî yê Medya

Nameyê Qodî: Munzur Zîlan Name û Peyname: Îbrahîm Nasir Bayar Cayê Bîyayîşî: Şirnex Maye-Pî: Solmaze – Abdullah Tarîx û Cayê Şehadetî: Temmuza 2022yî / Herêmê Pawitişî yê Medya

Nameyê Qodî: Egîd Çiyager Name û Peyname: Huseyîn Zeytun Cayê Bîyayîşî: Amed Maye-Pî: Ozgule – Behçet Tarîx û Cayê Şehadetî: Temmuza 2022yî / Herêmê Pawitişî yê Medya

Nameyê Qodî: Êrîş Adar Name û Peyname: Şervan Yaşar Cayê Bîyayîşî: Colemêrg Maye-Pî: Gulîye – Omer Tarîx û Cayê Şehadetî: Temmuza 2022yî / Herêmê Pawitişî yê Medya

Embaze Nîrvana Qoser de dadîya xo ra bena. Embaze Nîrvana verî tewra xebetanê ciwanan bena, wextê hêrişanê DAÎŞî de Rojawan de têkoşîn kena û 2018 de zî vera îşxalî Efrînî pawena. Embaze Nîrvana dima verêne xo dana koyanê azadan û bena gerîla. Embaze Nîrvana koyan de perwerde dana embazanê xo. Dima a Herêmanê Pawitişî yê Medya de tunelanê şerî de wezîfe kena û Warê Xoverdayîşî yê Girê Amedîyê de serkêşîya xoverdayîşî kena. Embaze Nîrvana tîya de çalakîyanê serkewteyan de cagêna û bi fedayîtî şer kena.

Embaz Welat şaristanê Kirmaşanî yê Rojhelatê Kurdîstanî de dadîya xo ra beno. Embaz Welat 2016 de bi mesuldarî û qerardarî tewrê gerîlayan beo. Embaz Welat xeylêk waran de têkoşîn keno û dima bi waştişê xo derbazê Herêmanê Pawitişî yê Medya beno. Embaz Welat Girê Amedîyê de vera hêrişanê kîmyewîyan bi fedayîtî xo ver dano û beno milîtanêko serkêş. Embaz Welat pê çêrî û fedakarîya xo embazanê xo rê tim beno mîsal û serê rêçê Şehîd Sîmkoyî de şino.

Embaz Munzur  Şirnex de dadîya xo ra beno. O verî tewrê xebatanê ciwanan beno û dima Rojawan de vera DAÎŞî şer keno. 2020 de o verê xo dano koyan û bi tecrubeyanê xo dest pê têkoşînê gerîlayan keno. Embaz Munzur mîyanê Hêzanê Taybetan de zî cagêno û beno fermandarêko serkêş. Embaz Munzur Warê Xoverdayîşî yê Girê Amediyê de bi fedakarî, çêrî, hişmendî û afernayoxî pêro erkanê xo ano ca, serkêşîya embazanê xo keno. Embaz Munzur heman warî de hêrişanê dişmenî de şehîd beno.

 

Embaz Egîd Erxenîya Amedî de dadîya xo ra beno. Embaz Egîd tim wazeno mîyanê şerê azadîye yê şarê xo de cabigêro û nê esasî ser o 2014 de tewrê gerîlayan beno. Embaz Egîd Zap de dest pê gerîlatîye keno û 2019 de şerê Heftanînî de têkoşîn keno. Embaz Egîd akademî de tewrê perwerdeyan beno û bi nê hawayî zî beno gerîlayêko marîfetîn. Embaz Egîd heta şehadetê xo xebatanê girîngan de cagêno û tecrubeyanê xo zî tim embazanê xo de pare keno. Embaz Egîd tim do serkêşîya ma bikero.

Embaz Êrîş Gever de dadîya xo ra beno. Embaz Êrîşa ke waka ci şehîd a û waya ci ya bîne zî refanê gerîlayan de cagêna, 2013 de Şemzînan de tewrê gerîlayan beno. Embaz Êrîş heta 2019î Xakurkê de gerîlatîye keno. Embaz Êrîş tîya de tewrê çalakîyanê serkewteyan beno û vera hêrişanê dişmenî pêro erkanê xo ano ca. Embaz Êrîş tim derbanê giranan dano dişmenî ro. O Herêmanê Pawitişî yê Medya de zî keno ke cewab bido hêrişanê dişmenî. Embaz Êrîş nê hêrişan de şehîd beno.''