Merkezê Îrtîbatî û Çapemenîye yê HPGyî bi eşkerayîyêke nasnameyê çar şehîdan eşkera kerdî.

Eşkerayîye wina ya:

''Ewladê qehremanî yê şarê kurdî refanê gerîlayanê azadîye yê Kurdîstanî de, mîyanê şertanê tewr zehmetan de zî seba rûmet û azadîya şarê ma bi fedayîtî şer kenê. Embazanê ma Mahîr, Toprake, Delîl û Destane zî her warê wezîfeyî de vera dewleta tirke ya faşîste xoverdayîşêko tarîxî kerd, rayîr nêda dişmenî û şehîd bîyî. Embazanê ma derbê giranî dayî dişmenî ro û peyê xo de mîrasê têkoşînî yo bêhêmpa verda. Embazê ma Mahîr, Toprake, Delîl û Destane tim do mîyanê têkoşînê ma de biciwîyê.

Nasnameyê embazanê ma yê şehîdan wina yê:

Nameyê Qodî: Mahîr Başkale Name û Peyname: Alî Polat Cayê Bîyayîşî: Wan Maye-Pî: Zehra – Fehîm Tarîx û Cayê Şehadetî: 29ê Tebaxa 2022yî /Zap

Nameyê Qodî: Toprake Canwelat Name û Peyname: Hêva Ahmed Cayê Bîyayîşî: Heleb Maye-Pî: Hanife – Muhammed Tarîx û Cayê Şehadetî: 27ê Gulana 2022yî /Zap

Nameyê Qodî: Delîl Hawar Name û Peyname: Emrah Şanli Cayê Bîyayîşî: Amed Maye-Pî: Ayşe – Sadik Tarîx û Cayê Şehadetî: 5ê Tebaxa 2022yî /Zap

Nameyê Qodî: Destan Rustem Cûdî Name û Peyname: Gerdînya Şêxo Cayê Bîyayîşî: Kobanê Maye-Pî: Ferîde – Ebdo Tarîx û Cayê Şehadetî: 1ê Temmuza 2022yî /Zap

Embaz Mahîr Elbak de dadîya xo ra beno. Embaz Mahîr 2014 de xeyalê xo yê domanîye ano ca û tewrê gerîlayan beno. O verî Heftanîn de gerîlatîye tecrube keno û dima zî Kobanê de vera DAÎŞî şer keno. Embaz Mahîr wexto ke derbazê Vakurê Kurdîstanî bîyêne pa komêka embazan keweno destê dewleta tirke û serrêke zîndan de maneno. Dima reyna agêreno koyan.Perwerdeyan ra dima 2019 de o derbazê Zapî beno û cewab dano hêrişanê dişmenî. Embaz Mahîr destpêkê hêrişanê 14ê nîsane û dima zî tim cepheyê şerî de cagêno û derbanê giranan dano dişmenî ro.

Embaze Toprak Heleb de dadîya xo ra bena. A verî xebatanê ciwanan de cagêna, 2015 de zî tewra gerîlayan bena. Embaze Toprake perwerdeyan ra dima derbazê Zapî bena. A amadekerdişê tunelanê şerî rê kedêka pîle dana û serkêşîya embazanê xo kena. Embaze Toprake tim pêro mesuldarî û erkanê xo bêkêmasî ana ca. A Kurojahro de vera dişmenî tîmanê verênan de şer kena û derbanê giranan dana dişmenî ro. Embaze Toprake bi têkoşînê xo bena serkêşanê Hemleya Şorişgêre ya Bazanê Zagrosî ra yewe û bena milîtanêka mîsale.

 

Embaz Delîl qezaya Licê ya Amedî de dadîya xo ra beno. Embaz Delîl verî xebatanê ciwanan de cagêno dima zî 2015 de tewrê gerîlayan beno. O perwerdeyî ra dima derbazê Zapî beno û tîya de prosesê şerêkê giranî de têkoşîn keno. Embaz Delîl Zap de tewrê xeylêk çalakîyan beno. 2019 ra dima o tewrê perwerdeyan beno û perwerdeyê çekanê giranan gêno. Dima seba têkoşînî sey fermandarêkî reyna agêreno Zapî. Embaz Delîl tîya de embazanê xo reyde tecrubeyanê xo vila keno û tim keno ke qesasê şehîdan bigêro. Embaz Delîl pê têkoşîn û xoverdayîşê xo beno mîmaranê kelaya xoverdayîşî ya Zapî ra yew.

Embaze Destane Kobanê de dadîya xo ra bena. a wextê Şorişê Rojawanî de partîya ma şinasnena û 2016 de tewrê xebatanê şorişî bena. Embaze Destane cigêrayîşan ra pey zî 2019 de verê xo dana koyanê Kurdîstanî. A Zap de dest pê gerîlatîye kena û bena gerîlayêka matîfetîne ya YJA-Starî. Embaze Destane Zap de xeylêk çalakîyanê serkewteyan de cagêna. A pê embazîya xo, duristî û kedkarîya xo bi xurtî Hemleya Şorişgêre ya Bazanê Zagrosî de zî cagêna. Şehadetê aye ma rê sebebê pîlkerdişê têkoşînî yo.

Embazanê ma Mahîr, Delîl, Destane û Toprake serkêşîya Hemleya Bazanê Zagrosî kerde û seba serkewtişê na hemle xîret kerd. Ma sere de keyeyanê înan ê ercîyayeyan rê pêro şarê welatperwerî yê Kurdîstanî rê serweşîye wazenê.''