''Vera îşxalê dişmenî xoverdayîşê embazanê ma yo destanwarî bêmabên dewam keno. Planê qirkerdiş û îşxalê dişmenî Werxelê Şikefta Birîndara, Girê Cûdî û Girê Hekarî de raştê xoverdayîşê embazan ameyî û pûç bîyî. Xoverdayîşê bi serkêşîya embazanê ma yê şehîdan tim derbanê giranan danê dişmenî ro û benê sebebê tengîya dişmenî. Fermandaranê serkêşan ê YJA-Starî embaze Sema Eylul û Arjîne, embazanê ma Lîlave û Avaşîne Metîna de serkêşîya xoverdayîşî kerde û planê dişmenî tarûmar kerdî. Nê embazanê ma taktîkê dewrê neweyî vera dişmenî ardî ca, vera dişmenî xeylêk çalakîyî kerdî û erkê xo bêkêmasî ardî ca. Ma zî sey embazanê Sema, Arjîne, Lîlave û Avaşîne soz danê ke mîrasê înan ê têkoşînî pê xoveerdayîşî do biresnê serfîrazîye.

Nasnameyê embazanê ma yê şehîdan wina yê:

Nameyê Qodî: Sema Eylul Name û Peyname: Fatma Marangoz Cayê Bîyayîşî: Amed Maye-Pî: Ayşe – Hidir Tarîx û Cayê Şehadetî: 18ê Tebaxa 2022yî / Metîna

Nameyê Qodî: Arjîn Cûdî Name û Peyname: Zeynepe Dal Cayê Bîyayîşî: Şirnex Maye-Pî: Sureyya – Bedrî Tarîx û Cayê Şehadetî: 18ê Tebaxa 2022yî / Metîna

Nameyê Qodî: Lîlave Jînda Name û Peyname: Lîloze Ozkan Cayê Bîyayîşî: Qamişlo Maye-Pî: Cihane – Ahmed Tarîx û Cayê Şehadetî: 19ê Êlula 2022yî /Metîna

Nameyê Qodî: Avaşîn Zagros Name û Peyname: Medrîka Besravî Cayê Bîyayîşî: Kobanê Maye-Pî: Salîha – Abdulkadîr Tarîx û Cayê Şehadetî: 24ê Êlula 2022yî /Metîna

Embaze Sema qezaya Çêrmûge ya Amedî de mîyanê keyeyê Marangozî yê ercîyayeyî de dadîya xo ra bena. Embaze Sema û waya ci ya şehîde Berçeme Almanya de bi hesreta Amedî benê pîl. Embaze Berçeme 2002 de tewra gerîlayan bena û 2010 de pa çar embazanê xo sey fermandarêka YJA-Starî şehîd bena. Embaze Sema zî 2003 de tewra gerîlayan bena. A Qendîl, Xinêrê, Heftanîn zî tede xeylêk cayan de têkoşîn kena, Şingal de vera DAÎŞî şer kena û wextêk zî xebatanê çapemenîye de cagêna. Dima a sey fermandarêka YJA-Starî Metîna de wezîfe kena. Embaze Sema heta şehadetê xo perwera şehîdan û partîye bena û qetî têkoşînî rê fek vera nêdana.

Embaze Arjîne Cizîre de dadîya xo ra bena. Dima ke waka aye Bêrîvane Cûdî 2013 de tewra gerîlayan bena embaze Arjîne zî 2015 de verê xo dana koyan. A sey gerîlayêka YJA-Starî xeylêk waran de têkoşîn kena û bena wayîra tewrbîyayîşêkê zixmî. Embaze Arjîne Metîna de vera îşxalkeran tewra xoverdayîşî bena û Hemleya Şorişgêre ya Cengê Xabûrî de bena wayîra rolêkê girîngî. Embaze Arjîne ma rê mîrasêkê têkoşînî yê xurtî verdena.

Embaze Lîlave Qamişlo de dadîya xo ra bena. Embaze Lîlave wextê hêrişanê DAÎŞî de bena şahida xoverdayîşê Rojawanî û gerîlayan û nê esasî ser o 2017 de tewra gerîlayan bena. A Garê, Heftanîn û Metîna de têkoşîn kena û bena wayîra tecrubeyêkê girîngî. A Hemleya Şorişgêre ya Cengê Xabûrî de tewr vernî de cagêna. A hem hetê îdeolojîkî ra hem zî hetê leşkerî ra xo aver bena û tim bena milîtanêka çêre ya Rayber Apoyî.

 

 

Embaze Avaşîne Kobanê de dadîya xo ra bena. A bena şahida Şorişê Rojawanî û hêrişanê DAÎŞî. Embaze Avaşîne dima ke xoverdayîşê gerîlayan ê seba Rojawanî vînena 2017 de tewra gerîlayan bena.  Embaze Avaşîne pratîkanê cîyayan ra dima derbazê Metîna bena û Hemleya Şorişgêre ya Cengê Xabûrî de cagêna. A pê xoverdayîşê xo tim paştî dana embazanê xo û bi têkoşînê xo zî xeta milîtanîye berz kena.

 

 

Embazanê ma Sema, Arjîne, Lîlave û Avaşîne vera hêrişanê dişmenî her helê xo bi xoverdayîşî munitî û ê bîyî wayîrê ked û xîretêkê bêhempayî. Ma sere de keyeyanê înan ê ercîyayeyan rê pêro şarê welatperwerî yê Kurdîstanî rê serweşîye wazenê.''

[album=18034]