Merkezê Îrtîbatî û Çapemenîye yê HPGyî bi eşkerayîyêke nasnameyê çar şehîdan eşkera kerdî. Eşkerayîye wina ya:

''Embazanê ma Xelef, Şahîn, Rênas û Rêncber destpêkê hêrişanê îşxalî yê vera Herêmanê Pawitişî yê Medya ra nata mîyanê xoverdayîşê destanwarîyî de cagirewt, fedakarîyêka pîle mojnaye û hêrişê îşxalî yê dişmenî pûç kerdî. Nê embazanê ma bi fedayîtî vera dişmenî şer kerd û şehîd bîyî. Embazanê ma roja verêne ya xoverdayîşî ra heta peynî seba ke dişmenî bin bivisnê xeylêk waran de xebatanê cîyayan de cagirewt û ê bîyî wayîrê kedêka bêhempa. Embazê ma Xelef, Şahîn, Rênas û Rêncber bi hêvî û bawerîyêka pîle tewrê xoverdayîşî bîyî, sey fermandaranê serkêşan ê Hemleya Şorişgêre ya Cengê Xaburî înan peyê xo de mîrasêko pîl verda. Ma zî sey embazanê înan soz danê ke têkoşîn û erkanê şorişî yê nê şehîdanê xo yê qehremanan seba ke layîqê înan bibê do bîyarê ca.

Nasnameyê embazanê ma yê şehîdan wina yê:

Nameyê Qodî: Xelef Tolhildan Name û Peyname: Serhat Erdogan Cayê Bîyayîşî: Şirnex Maye-Pî: Sabriye – Kamil Tarîx û Cayê Şehadetî: 26ê Êlula 2022yî /Herêmê Pawitişî yê Medya

Nameyê Qodî: Şahîn Botan Name û Peyname: Serdar Salgucak Cayê Bîyayîşî: Şirnex Maye-Pî: Xezale – Devreş Tarîx û Cayê Şehadetî: 25ê Teşrîna Peyêne ya 2022yî /Herêmê Pawitişî yê Medya

Nameyê Qodî: Rênas Dêrîk Name û Peyname: Cemil Akar Cayê Bîyayîşî: Mêrdîn Maye-Pî: Fatime – Hamdullah Tarîx û Cayê Şehadetî: 25ê Teşrîna Peyêne ya 2022yî /Herêmê Pawitişî yê Medya

Nameyê Qodî: Rêncber Rêbaz Name û Peyname: Mihemed Osman Cayê Bîyayîşî: Kobanê Maye-Pî: Şemsê – Mahmud Tarîx û Cayê Şehadetî: 26ê Êlula 2022yî /Herêmê Pawitişî yê Medya

Embaz Xelef Cizîra Botanî de dadîya xo ra beno. Embaz Xelef 2015 de vera polîtîkayanê dişmenî bi hêrsî tewrê gerîlayan beno. O perwerdeyê verênî Herêmanê Pawitişî yê Medya de gêno. Embaz Xelef dima Zap û Metîna de zî têkoşîn keno. O pê kesayetê xo tim embazanê xo rê beno çimeyê coşî. O dima mîyanê Hêzanê Taybetan de cagêno. Embaz Xelef çarçewa Hemleya Şorişgêre ya Şehîd Savaş Maraşî ya Cengê Xabûrî de pêro erkan û mesuldarîyanê xo bêkêmasî ano ca. O heta şehadetê xo rêçê şehîdan de şino û embazanê xo rê mîrasê têkoşînêkê pîlî verdeno.

 

Embaz Şahîn Şirnex de dadîya xo ra beno. Embaz Şahîn polîtîkayanê dişmenîye yê dewlete nêzdî ra vîneno û seba ke qesas bigêro Besta ra tewrê gerîlayan beno. O wextêk Besta û Cûdî de maneno dima derbazê Herêmanê Pawitişî yê Medya beno. O dima mîyanê Hêzanê Taybetan de cagêno. Embaz Şahîn pêro waran de erkanê xo ano ca û beno fermandarêko serkêş. Embaz Şahîn rixmo ke Hemleya Cengê Xabûrî de di reyî birîndar beno qetî şerî ra fek vera nêdano. O heta şehadetê xo beno perwerê Rayber Apoyî û şehîna û serkêşîya çalakîyan keno.

 

Embaz Rênas Dêrikê Mêrdînî de dadîya xo ra beno. Embaz Rênas Şorişê Rojawanî ra dima 2015 de tewrê gerîlayan beno. Embaz Rênas cade xo aver beno û taktîkanê gerîlayan de beno weste. O bi hawayêkê aktîfî Hemleya Şorişgêre ya Cengê Xabûrî de cagêno û çalakîyanê serkewteyan de serkêşîye keno. Embaz Rênas xîret û xoverdayîşê xo ra dima beno fermandar û qetî têkoşînî ra fek vera nêdano. Embaz Rênas peyê xo de mîrasêkê pîlî verdeno. Ma soz danê ke mîrasê ey ê têkoşînî bi serkewtişî tacîdar bikerê.

Embaz Rêncber Kobanê de dadîya xo ra beno. Embaz Rêncbero ke wextê Şorişê Rojawanî de partîya ma şinasneno wextê hêrişanê îşxalî yê dewleta tirke de bi hîsê qesasî tewrê gerîlayan beno. O Herêmanê Pawitişî yê Medya de perwerdeyê verênî gêno û Zap de şerî pratîk gêno. Dima Avaşîn û Zagrosan de têkoşîn keno. embaz Rêncber mîyanê Hêzanê Taybetan de cagêno û Hemleya Cengê Xabûrî de bêteredut têkoşîn keno. Embaz Rêncber tim bi aktîfî pêro mesuldarîyanê xo ano ca û bi tewirê xo beno perwerê şehîdan û partîya ma.

Ma sere de keyeyanê înan ê ercîyayeyan rê pêro şarê welatperwerî yê Kurdîstanî rê serweşîye wazenê.''