Merkezê Îrtîbatî û Çepemenîye yê HPGyî nanameyê di şehîdan eşkera kerd û nê pare kerdî:

''Hemrayê Firat Dilopa Baranê û Dîroke Cûdî tarîxanê cîya cîyayan de Herêmanê Pawitişî yê Medya de serê wezîfeyê xo de şehîd bîyî.

Hemrayê ma Firat û Dîroke semedê azadîya şarê ma her hela xo bi têkoşînî ravîyarna û keda pîle daye. Ma keyeyanê erjîyayeyan ê wird hemrayanê xo rê û heme şarê welatperwerî yê Kurdîstanî rê serweşîye wazenê û sozê caardişê waştişanê şehîdan reyna newe kenê.

Nasnameyê hemrayanê ma yê şehîdan wina yê:

Hemrayê ma Firat Gever de yeno dinya, keyeyêkê welatperwerî de beno pîl  û hema qijtîya xo de partîya ma PKKyî nas keno. Hemrayê ma Firat mektebanê dişmenî de raştîya dişmenî dahîna nêzdî ra vîneno û lîse de mektebî caverdeno û  xebatanê ciwananê şorişgêran de ca geno û dima ra verê xo dano koyanê Kurdîstanî û tewrê refanê gerîlayan beno. Perwedeyê xo yê verênî Herêmanê Pawitişî yê Medya de geno û xeylêk waranê pêkewtişî de berpirsîyarî û wezîfeyê xo ano ca. Xeylêk çalakîyanê serkewteyan ê vera dişmenî de aktîf ca geno.

Hemraya ma Dîroke bajarê Til Hemisî ya Rojawanî de keyeyêkê Mihelmî de yena dinya û kulturkê welatperwerîye bena pîl. Hemraya ma ke dahîna zaf Qamişlo de ciwîyaye tîya binê tesîrê welatperwerîya şarî de menena û badê Şorişê Azadîye yê Rojawanî dahîna zaf partîya ma PKKyî nas kena. Hemraya ma Dîroke 2017 de verê xo dana koyanê Kurdîstanî û tewrê refanê azadîye bena û badê perwerdeyan demê kilmî de bena gerîlayêka serkewtîye ya YJA Starî. Hemraya Dîroke xeylêk waranê Herêmanê Pawitişî yê Medya  de  gerîlatîye kena û  xeylêk xebatanê cîya cîyayan de ca gena.''