Merkezê Îrtîbatî û Çapemenîye yê HPGyî bi eşkerayîyêke nasnameyê di şehîdan eşkera kerdî. Eşkerayîye wina ya:

''9ê adara 2024î de hêrişê dişmenî yê vera Herêma Şehîd Delîlî ya Rojawanê Zapî de embazê ma Bêrîtane û Garzan şehîd bîyî. 

Embazanê ma Bêrîtane û Garzanî tim cepheyanê verênan de cagirewt, bê teredutî têkopşîn kerd û tunelanê Herêma Şehîd Delîlî de derbê giranî dayî dişmenî ro. Embazê ma Bêrîtane û Garzan bi hesasîyetê xo yê caardişê erkanê xo bîyî mazharê hûrmetê pêro embazanê xo û bi nê hawayî bîyî fedayîyê Apogîrî yê nimûneyî.

Ma sere de keyeyanê înan ê ercîyayeyan rê pêro şarê Kurdîstanî yê welatperwerî rê serweşîye wazenê. Ma soz danê ke ma do xeyal û armancanê embazanê xo Kurdîstanê Azadî de bîyarê ca.

Nasnameyê embazanê ma yê şehîdan wina yê:

Embaza ma Bêrîtane Êlih de dadîya xo ra bena. Embaza ma Bêrîtane ciwanîya xo de têgêrayîşê azadîye şinasnena û cigêrayîşan ra pey 2014 de verê xo dana koyan. A Heftanîn de perwerde vînena û bena gerîlayêka YJA-Starî ya marîfetîbe. Embaze Bêrîtane Heftanîn û Metîna de têkoşîn kena, dima Akademîya Cinîya Azade ya Bêrîtane de perwerde vînena. A Herêma Şehîd Delîl Zagrosî de tewra têkoşînî bena. Embaze Bêrîtane xeylêk çalakîyanê serkewteyan û operasyonanê şorişgêran ê peyênan de cagêna. Ma sey embazanê xo soz danê ke xeyalê ci yê cuya azade teqîb bikerê.

Embazê ma Garzan Kobanê de dadîya xo ra  beno. Babîyê embaz Garzanî xoverdayîşê vera DAÎŞî de şehîd beno. Embaz Garzan naye ser o bi hêrsî 2017 de tewrê gerîlayan beno. O Garê de perwerde vîneno. 2018 de embaz Garzan Zap de têkoşîn keno û bi qerardarî tewrê çalakîyan beno. Embaz Garzan tunelanê şerî yê Zapî de şer keno û dima Warê Xoverdayîşî yê Werxelê yê Avaşînî de tewrê xoverdayîşî beno. O bi nê tecrubeyan derbazê Herêma Şehîd Delîlî beno û keno ke xoverdayîşî pîlêr bikero. Embaz Garzan bi fedakarîya xo yeno şinasnayene. Ma soz danê ke xeyalê ey ê Kurdîstanê Azadî bîyarê ca.''