Merkezê Îrtîbatî û Çapemenîye yê HPGyî nasnameyê di şehîdan eşkera kerdî. Eşkerayîye wina ya:

''Embazê ma Mazlûm û Mordem temmuze de hêrişanê dişmenî de şehîd bîyî û tewrê karwananê şehîdanê partîya têgêrayîşê şaran PKKyî bîyî.

Embazê ma Mazlûm tim do mîyanê têkoşînê ma de biciwîyo. Embazê ma Eylul zî bi tewir, têkoşîn û şehadetê xo verê ciwananê ereban de nimûneyêkê qehremanîye yo.Ma sere de keyeyanê şehîdanê xo yê ercîyayeyan rê pêro şarê ma yê kurd û erebî rê serweşîye wazenê. Ma soz danê ke armancê şehîdanê xo Konfederalîzmê Rojhelatê Mîyanênî yê Demokratîkî awan bikerê.

Nasnameyê şehîdanê ma wina yo:

Embazê ma Mazlûm Wan de dadîya xo ra beno. O binê tesîrê çalakîyanê 'Şima nêeşkenê tîja ma tarî bikerê' maneno û Hemleya 1ê Hezîrana 20024î ra dima, 2005 de bi qerardarî tewrê gerîlayan beno. Embaz Mazlûm hêverî Xakurkê de tewrê têkoşînî beno. O Zagrosan, Zap, Qendîl û Avaşîn de zî erk keno. Embazê ma Mazlûm bi taybetî Zap de bi giranî cewab dano hêrişanê dişmenî. O tim pêro erkanê xo bêkêmasî ano ca. Ma soz danê ke xeyalanê ci bîyarê ca.

Embazê ma Mordem sey ewladêkê şarê erebî Humusê Sûrîye de dadîya ra beno. O dima ke fikranê Rayber Apoyî şinasneno beno sempatîzanê partîya ma. O Rojawan de vera cerganê DAÎŞî tewrê têkoşînî beno. Dima zî bi qerardarî tewrê gerîlayan beno. Embazê ma Mordem mîyanê Hêzanê Taybetan de cagêno. O Herêma Şehîd Delîlî ya Rojawanê Zapî de performansêkê xurtî mojneno ra û Warê Xoverdayîşî yê Girê Biharî de bi qehremanî vera dişmenî şer keno.''