HPGyî nasnameyê di şehîdan eşkera kerdî
HPGyî nasnameyê di şehîdanê Zapî eşkera kerdî û vat: ''Ma ancî soz danê ke têkoşînê nê embazanê xo yê ercîyayeyan pîlêr bikerê û şexsê nînan de layîqê pêro şehîdanê xo bibê.''
NASNAMEYÊ ŞEHÎDAN
Merkezê Îrtîbatî û Çapemenîye yê HPGyî nasnameyê di şehîdan eşkera kerdî. Eşkerayîye wina ya:
''26ê hezîrana 2018î de herêma Zapî de, hêrişê dişmenî de embazê ma Îbrahîm û Reşîd tewrê karwanê şehîdan bîyî. Ma nînan bi rêzî yad kenê.
Embazê ma Îbrahîm û Reşîd bîyî fedayîyê xeta Apogîre û nînan serkewtiş xo rê kerd armanc. Ma sere de keyeyanê embazanê xo yê ercîyayeyan rê pêro şarê Kurdîstanî yê welatperwerî rê serweşîye wazenê. Ma ancî soz danê ke têkoşînê nê embazanê xo yê ercîyayeyan pîlêr bikerê û şexsê nînan de layîqê pêro şehîdanê xo bibê.
Nasnameyê embazanê ma yê şehîdan wina yê:
|
|
Nameyê Qodî: Îbrahîm Mêrdîn Name û Peyname: Sabrî Karaman Cayê Bîyayîşî: Mêrdîn Maye-Pî: Kamîle – Cemîl Tarîx û Cayê Şehadetî: 26ê Hezîrana 2018î / Zap |
|
|
Nameyê Qodî: Reşîd Farqîn Name û Peyname: Servet Uzyandî Cayê Bîyayîşî: Amed Maye-Pî: Gulîstane – Mehmet Alî Tarîx û Cayê Şehadetî: 26ê Hezîrana 2018î / Zap |
Embazê ma Îbrahîn Mîdyadê Mêrdînî de dadîya xo ra beno. O wextê hêrişanê DAÎŞî de bire dano ke tewrê gerîlayan bibo û 2014 de verê xo dano koyan. O Zap de perwerde vîneno û tîya de xoverdayîşêkê zixmî keno. Embazê ma Îbrahîm her hela xo bi xorinbîyayîşî vîyarneno. O bi fedakarî û embazîya xo beno mazharê hûrmet û heskerdişê pêro embazanê xo. O tim derbanê giranan dano dişmenî ro.
Embazê ma Reşîd Amed de dadîya xo ra beno. O hêverî tewrê xebatanê ciwanan beno û dima zî 2015 de Îstanbulî ra verê xo dano koyan û beno gerîla. O Cîlo de perwerde geno û wextêk tîya de têkoşîn keno. O dima derbazê Zapî beno û tîya de xo hîna aver beno. Embazê ma Reşîd tecrubeyanê xo embazanê xo de zî pare keno û beno milîtanêko nimûne. Ma soz danê ke ala ci ya têkoşînî tim berzêr bikerê.''
