Merkezê Îrtîbatî û Çapemenîye yê HPGyî nasnameyê di şehîdan eşkera kerdî. Eşkerayîye wina ya:

''Embazanê ma Zerdeşt Suruç û Rêbaz Bagokî 30ê tebaxa 2024î de qezaya Bagokî ya Mêrdînî de artêşa tirke de temas kerd. Artêşa tirke ya tersneke nêeşkaye gerîlayanê fedayîyan de bikewa pê coka warê embazanê ma bi helîkopteranê hêrişî û teyarayanê şerî da bombayan ver. Netîceya bombardumanê giranî de gerîlayê fedayî yê Apogîrî embazê ma Zerdeşt û Rêbaz şehîd bîyî.

Embazê ma Zerdeşt Suruç û Rêbaz Bagok heta nefesê xo yê peyênî seba têkoşînê azadîya şarê xo xebitîyayî û sey şerwananê qehremanan şehîd bîyî. Ma soz danê ke rayîrê têkoşînê înan de bê teredûtî şorê, armancanê înan qetî bîyarê ca.

Ma sere de keyeyanê şehîdanê xo yê ercîyayeyan rê şarê welatperwerî yê Riha, Mêrdîn û pêro Kurdîstanî rê serweşîye wazenê.

Nasnameyê embazanê ma yê şehîdan wina yê:

Embazê ma Zerdeşt Riha de dadîya xo ra beno. O hema ciwanîya xo de pê rîyê dişmenî hesîyeno. Embazê ma 2013 de Vakurî ra tewrê gerîlayan beno. O Herêmanê Pawitişî yê Medya de perwerde vîneno û pratîkê şerî keno. Dima o vera cerganê DAÎŞî şer keno û tîya ra ancî agêreno koyan. O bi birîndarî keweno destê dişmenî û zîndan de maneno. Dima ke zîndanî ra vejîyeno ancî verê xo dano koyan.  Embazê ma Vakurê Kurdîstanî de şer keno. O bi taybetî Eyaletê Mêrdînî de bi fedakarî têkoşîn keno û pêro erkanê xo bi layîqî ano ca.

Embazê ma Rêbaz Mêrdîn de dadîya xo ra beno. Embazê ma Rêbaz hêverî xebatanê ciwanan de cagêno û 2014 de zî verê xo dano koyan. O herêma Zapî de perwerdeyê verênî gêno û tîya de dest pê têkoşînî keno. O Zap de xeylêk çalakîyanê serkewteyan de cagêno û tîya de akademî de perwerde gêno. Dima embazê ma Rêbaz derbazê Vakurê Kurdîstanî beno. Embaz Rêbaz karê rêxistinîye rê zî kede dano. O bi fedakarî û jêhatîya xo pêro embazanê xo rê beno nimûne û hêrişê dişmenî de tewrê karwanê şehîdan beno.''