Merkezê Îrtîbatî û Çapemenîye yê HPGyî nasnameyê di şehîdanê Zapî eşkera kerdî. Eşkerayîye wina ya:

''Embazê ma Şîyare û Nûda yê ke bi pêro kesayetê xo tewrê têkoşînê azadîye bibî û her warî de serkewtişê pîlî vistê destî 4ê êlula 2017î de şehîd bîyî. Embazanê ma Şîyarî û Nûda sey şerwananê fedayî û çêran mîrasêkê têkoşînî yo mende peyê xo de verda. 

Ma nînan bi heskerdiş, minet û rêzî yad kenê û soz danê ke têkoşînê embazanê xo ser bivisnê. Sere de keyeyanê şehîdanê xo yê ercîyayeyan rê ma pêro şarê Wan, Şirnex û Kurdîstanî yê welatperwerî rê serweşîye wazenê.

Nasnameyê embazanê ma yê şehîdan wina yê:

Embazê ma Şîyar Wan de dadîya xo ra beno. O hêverî tewrê xebatanê ciwanan beno û dima bi şîarê 'Kurdîstanê Azadî-Rayberîya Azade' 2007 de tewrê gerîlayan beno. Embazê ma Şîyar Herêmanê Pawitişî yê Medya de perwerdeyê verênî gêno. O hertim bi coşî xo aver beno. Embazê ma Şîyar bi xîretê xo mîyanê xebatanê Hêzanê Taybetan de cagêno. O tim bi fedakarî xebitîyeno û embazanê xo rê beno nimûne. Embazanê ma xeylê waranê Herêmanê Pawitişî yê Medya de têkoşîn keno. O bi qehremanî Zap de hêrişê dişmenî de şehîd beno.

Embaza ma Nûda Silopîya de dadîya xo ra bena. A hêverî xebatanê komelkîyan de cagêna û 2015 de bi qerardarî verê xo dana waranê gerîlayan. A Herêmanê Pawitişî yê Medya de perwerdeyê verênî gêna. A tim bi hewesêkê pîlî erk û mesuldarîyanê xo ana ca. Embaza ma Nûda bi xîretê xo wextêkê kilmî de bena gerîlayêka YJA-Starî ya marîfetîne. A mîyanê Hêzanê Taybetan de cagêna û têkoşînê xo aver bena. Embaza ma Nûda pêro embazanê xo rê bena nimûne. A Zap de şehîd bena û tarîxê ma yê têkoşînî de cayê xo gêna.''