Merkezê Îrtîbatî û Çapemenîye yê HPGyî nasnameyê di şehîdan eşkera kerdî. Eşkerayîye wina ya:

''Milîtanê Apogîrî yê ercîyayeyî embazê ma Kurtay û Simko menga hezîrane ya 2024î de Herêmanê Pawitişî yê Medya de hêrişanê dişmenî de şehîd bîyî.

Embazê ma Simko û Kurtay bîyî nimûneyê felsefeya Apogîre yê bêhempayî. Înan tim armanc kerd ke têkoşînê xo pîlêr bikerê û vilayê pêro Kurdîstanî bikerê. 

Ma sere de keyeyanê embazanê xo yê ercîyayeyan rê pêro şarê Kurdîstanî yê welatperwerî rê serweşîye wazenê. Ma soz danê ke vîrameyîşê şehîdanê xo Kurdîstanê Azadî de bipawê.

Nasnameyê embazanê ma yê şehîdan wina yê:

Embazê ma Kurtay qezaya Qelqelî ya Wanî de dadîya xo ra beno. O hema domanîya xo de  têgêrayîşê azadîye şinasneno û 2013 de bi qerardarî verê xo dano koyan, beno gerîla. O wextêk Cîlo de maneno, tîya ra derbazê Herêmanê Pawitişî yê Medya beno. O waştişê xo ser o ancî derbazê Cîloyî beno û 2016 de vera dişmenî xeylê çalakîyan de cagêno.O ancî verê xo dano Herêmanê Pawitişî yê Medya û xo perwerde keno. Embazê ma Kurtay 2021-2022 de şerê tunelan de cagêno û bi fedayîtî şer keno. O peyê xo de têkoşînê 12 serrî yê bêmabênî verdano.

Embazê ma Simko şaristanê Sine yê Rojhelatê Kurdîstanî de dadîya xo ra beno. O ciwanîya xo de binê tesîrê paradîgmaya Rayber Apoyî de maneno. O 2018 de firsend vîneno û verê xo dano koyan. O Herêmanê Pawitişî yê Medya de perwerde vîneno û bi coşî tewrê têkoşînê gerîlayan beno. O tim xo aver beno, bi mesuldarî têgêreno û erkanê xo bêkêmasî ano ca. O 2022 de waştişê xo ser o derbazê warê şerê çetinî beno. Embazê ma Simko seba ke bibo layîqê xoverdayîşê Rayber Apoyî bi xurtî xîret keno. O heta nefesê xo yê peyênî bi fedakarî têkoşîn keno, beno şehîd.''