“ Merkezê Îrtîbatî û Çapemenîye bi eşkerayîyêke derheqê çalakîyanê gerîlayan û hêrişê artêşa tirke de zanayîş da û nasnameyê şehîdêke eşkera kerd. Eşkerayîye de nê ameyî parekerdene:

Ma eşkerayîya xo ya 27ê teşrîna peyêne de dabi zanayene ke 25ê teşrîna peyêne de Warê  Xoverdayîşî yê Girê Cûdîyî de operasyonê şerişgêrî derba girde dîyayî artêşa tirke ro û 19 îşxalkerî ameyî cezakerdene. Nê opersyonî de hemraya ma Medya ke bi hewayêkê fedayîyî şerd kerd, tewrê kerwanê şehîdan bîyî.

Nasnameyê embaza ma ya ke şehîde bîye wina yo:

Nameyê Qodî: Medya Ozgur Name û Peyname: Havva Alkan Cayê Bîyayîşî: Amed Maye-Pî: Anber - Ragip Tarîx û Cayê Şehadetî: 25ê Teşrîna Peyêna 2022yî /Zap

Hemraya Medya Amed de yena dinya û bi kulturê welatperwerî bena pîl. Apêkê hemraya ma Medya zîndan de raştê îşkenceyî yeno û apê ci yo bin hemrayê ma Kevnar Amed – Nurettin Alkan zî 1994 tewrê kerwanê şehîdan beno.  Nê prosesî de nê keyeyê ercîyayeyî ra xeylêk kesî tewrê Têkoşînê Azadîye yê Kurdîstanî benê. Hemraya ma Medya 2012 de tewrê sefanê têkoşînî bena û verî xebatanê ciwanan de cayê xo gena.2015 de tewrê sefanê gerîlayan bena û badê perwerdeyê verênî pratîkî bena gerîlayêka serkewtîye ya YJA Starî. Semedê pawitişê şarê êzidîyan warê Şingalî de têkoşîn reyra bena. Dima ra tewrê xebatanê Hêzanê Taybetan bena. Vera hêrişanê îşxalkeran Zap de sefanê verênan de cayê xo gena.  Operasyonê şorişgêrîyê Warê Xoverdayîşî yê Girê Cûdîyî de xeta Zîlane, Sara û Rukenan de  pîya bi hemrayanê ma Adar û Heqîyî bi ruhê fedayîyî şina dişmenî ser. Rixmo ke birîndara bena peyser game nêerzena, heta peynî şer kena û bombaya xo serê xo de teqnena.

Sere de keyeyê hemraya ma Medya, ma heme şarê welatperwerî yê Kurdîstanî rê serweşîye wazenê û soz danê ke ma do têkoşînê embazanê xo biresnê serewtişî.

2ê kanûne de Warê Xoverdayîşî yê Girê Cûdî, Sîda, Çemçoyî  de îşxalkerî ameyî pirodayene, 2 îşxalkerî ameyî cezakerdene. Warê Xoverdyaîşî yê Girê Cûdî, Sîda, Saca, Girê Amedîyê, Çemço, Girê Fmî û warê Sêdarê û Deriyê yê Garê pê teyarayanê şerî, helîkopteranê hêrişî, obus, tanq û çekanê giranan ameyî pirodayene.”