Merkezê Îrtîbatî û Çapemenîye yê HPGyî nasnameyê hîrê şehîdan eşkera kerdî. Eşkerayîye wina ya:

''7 û 8ê teşrîna verêne ya 2019î de Herêmanê Pawitişî yê Medya de hêrişanê dişmenî de ewladê şarê ma yê qehremanî û milîtanê fedayî yê Apogîrî embazê ma Şoreş, Rizgar û Newale şehîd bîyî.

Embazanê ma bi şehadetê xo mojna ke tewir û xoverdayîşê fedayî yo Apogîr ganî senî bibo. Ma soz danê ke tim vîrameyîşê înan bipawê. Sere de keyeyanê şehîdanê xo yê ercîyayeyan rê pêro şarê Kurdîstanî yê welatperwerî rê serweşîye wazenê.

Nasnameyê embazanê ma yê şehîdan wina yê:

Embaza ma Şoreşe Semsûr de dadîya xo ra bena. A hêverî tewra xebatanê ciwanan bena û Xoverdayîşê Kobanê ra dima 2015 de verê xo dana koyan. A Herêmanê Pawitişî yê Medya de perwerde vînena û tîya de xeylêk waran de têkoşîn kena. A wextêkê kilmî de bena gerîlayêka YJA-Starî ya marîfetîne. A wextêk xebatanê Kevana Zêrîne de zî cagêna. Embaza ma Şoreşe tim bê teredut xo ver da û pêro erkanê xo ana ca.

Embazê ma Rizgar  Êlih de dadîya xo ra beno. O hêverî xebatanê ciwanan de cagêno û tepişîyeno. O dima ke zîndanî ra vejîyeno 2012 de verê xo dano koyan. O Vakurî ra derbazê Herêmanê Pawitişî yê Medya beno û tîya de têkoşînêkê xurtî keno. O bi taybetî Zap de xeylêk xebatanê ercîyayena keno. Embazê ma warê şerkerdişî de xo aver beno û perwerde dano embazanê xo zî. O bi fedakarî şer keno û şehîd beno.

Embaza ma Newale Makuyê Rojhelatê Kurdîstanî de dadîya xo ra bena. A kewena cigêrayîşan pey û şehadetê xalkêna û dezayê xo ra dima 2013 de Rojhelatî ra verê xo dana koyan. A Xakurkê de xebatanê partîye de cagêna û pratîk kena. A tim xo aver bena û bena gerîlayêka YJa-Starî ya serkewte. Embaza ma tim xeta şehîdan de têkoşîn kena û bena perwera têkoşînê şehîdan. A tim bê teredutî têkoşşîn kena.''