HPGyî nasnameyê hîrê şehîdî eşkera kerdî
HPGyî nasnameyê 3 şehîdanê Avaşînî eşkera kerdî û vat: ''Embazê ma Botan, Bawer û Canşêr pê taybetmendîyanê xo hertim do ma rê serkêşîye bikerê.''
Merkezê Îrtîbatî û Çapemenîye yê HPGyî bi eşkerayîyêke nasnameyê hîrê şehîdan eşkera kerdî.
Eşkerayîye wina ya:
''5ê gulana 2023yî de artêşa tirke ya îşxalkere hêrişê Werxelê yê Avaşînî kerd û hêrişan de embazê ma Botan, Bawer û Canşêr şehîd bîyî. Nê embazanê ma 2021 ra nata vera hêrişanê Zap û Avaşînî bi cesaret û qerardarî têkoşîn kerdêne û sey rêzê peyênî yê nê xoverdayîşê destanwarîyî şehîd bîyî. Embazanê ma Botan, Bawer û Canşêr seba ke bibê layîqê xeta şehîdan û Rayberê ma tim têkoşîn pîl kerd. Embazê ma Botan, Bawer û Canşêr pê taybetmendîyanê xo hertim do ma rê serkêşîye bikerê.
Embazê ma Botan, Bawer û Canşêr ê ke serkêşanê Hemleya Şorişgêre ya Bazanê Zagrosî ra bîyê, ma sere de keyeyanê înan ê ercîyayeyan rê, pêro şarê welatperwerî yê Kurdîstanî rê serweşîye wazenê.
Nasnameyê embazanê ma yê şehîdan wina yê:
|
|
Nameyê Qodî: Botan Zagros Name û Peyname: Adil Elî Cayê Bîyayîşî: Hesekê Maye-Pî: Emine – Elî Tarîx û Cayê Şehadetî: 5ê Gulana 2023yî /Avaşîn |
|
|
Nameyê Qodî: Botan Zagros Name û Peyname: Adil Elî Cayê Bîyayîşî: Hesekê Maye-Pî: Emine – Elî Tarîx û Cayê Şehadetî: 5ê Gulana 2023yî /Avaşîn |
|
|
Nameyê Qodî: Canşêr Adar Name û Peyname: Basil Ahmed Cayê Bîyayîşî: Kobanê Maye-Pî: Aruse – Bozan Tarîx û Cayê Şehadetî: 5ê Gulana 2023yî /Avaşîn |
Embaz Botan Hesekê de dadîya xo ra beno. O wextê Şorişê Rojawanî de têgêrayîşê ma şinasneno û 5 serran xebatanê şorişî de cagêno. Embaz Botan şehadetê embazanê xo ra dima verê xo dano koyan. O 2019 ra heta 2023yî her cayê Avaşînî de têkoşîn keno. Embaz Botan wextê hêrişanê giranan ê 2021-2022yî de bi serkêşî têgêreno. Embaz Botan heta şehadetê xo pêro erk û mesuldarîyanê xo bêkêmasî ano ca.
Embaz Bawer qezaya Motkî ya Beslîdî de dadîya xo ra beno. Embaz Bawer hema ciwanîya xo de mîyanê têkoşînê ciwanan de têgêreno û cigêrayîşanê xo ra pey zî verê xo dano koyanê gerîlayan. O verî Zagrosanê Zapî de têkoşîn keno, dima derbazê Avaşînî beno. Embaz Bawer 2022 de vera hêrişanê îşxalî yê dişmenî tim têkoşîn de qerar dano, tim derbanê giranan dano dişmenî ro. Embaz Bawer ked û xîretêkê pîlî dano têkoşînê azadîye.
Embaz Canşêr Kobanê de dadîya xo ra beno. O beno şahidê Şorişê Rojawanî û hêrişanê DAÎŞî. Embaz Canşêr xeylêk waranê şorişî de xebatan keno û îşxalê Efrînî ra dima zî tewrê gerîlayan beno. Embaz Canşêr koyan de bi fedakarî û samîmîyetî têgêreno û tim xo aver beno. O Avaşîn de hîrê serran têkoşîn û şer keno. Embaz Bawer pê pratîk û kesayetê xo zî beno namzedêkê fermandarîye. Ma soz danê ke xeyalanê ey bîyarê ca.''
