Merkezê Îrtîbatî û Çapemenîye yê HPGyî bi eşkerayîyêke nasnameyê panc şehîdan eşkera kerdî. Eşkerayîye wina ya:

''Herêmanê Pawitişî yê Medya de vera hêrişanê îşxalî yê artêşa tirke embazanê ma Zagris, Darav, Egîd, Salar û Cûdîyî hîrê serranê peyênan de bi xoverdayîşê destanwarî milîtanîya gerîlatîya serkêşe kerdêne. Nê embazanê ma ra embaz Zagros 2023 de; embazî Darav, Egîd û Salar 2022 de û embaz Cûdî zî 2021 de şehîd bîyî.

Nê embazanê ma vera pêro hêrişan bi îradeyê Apogîrî û qerardarî têkoşîn kerd, heta nefesê xo yê peyênî ê bîyî pabesteyê erjanê azadîye û bîyî bêmerg. Ma sere de keyeyanê înan ê ercîyayeyan rê pêro şarê Kurdîstanî yê welatperwerî rê serweşîye wazenê. Ma soz danê ke xeyalê Kurdîstanê Azadî yê şehîdanê xo bîyarê ca.

Nasnameyê embazanê ma yê şehîdan wina yê:

Nameyê Qodî: Zagros Çekdar Name û Peyname: Mesut Celal Osman Cayê Bîyayîşî: Dirbesiyê Maye-Pî: Zerga – Celal Tarîx û Cayê Şehadetî: 2023 / Herêmê Pawitişî yê Medya

Nameyê Qodî: Darav Feraşîn Name û Peyname: Bedîrxan Abî Cayê Bîyayîşî: Colemêrg Maye-Pî: Hamra – Şehmus Tarîx û Cayê Şehadetî: 2022 / Herêmê Pawitişî yê Medya

Nameyê Qodî: Egîd Gever Name û Peyname: Yilmaz Bayram Cayê Bîyayîşî: Colemêrg Maye-Pî: Edîbe – Alî Tarîx û Cayê Şehadetî: 2022 / Herêmê Pawitişî yê Medya

Nameyê Qodî: Cûdî Berxwedan Name û Peyname: Abdulselam Yildiz Cayê Bîyayîşî: Şirnex Maye-Pî: Maşallah – Hamît Tarîx û Cayê Şehadetî: 2021 / Herêmê Pawitişî yê Medya

Nameyê Qodî: Salar Atakan Name û Peyname: Murat Asan Cayê Bîyayîşî: Mêrdîn Maye-Pî: Suphîye – Mehmet Salîh Tarîx û Cayê Şehadetî: 2022 / Herêmê Pawitişî yê Medya

 

Embaz Zagros Dirbesîyê de dadîya xo ra beno. O 2010 de tewrê Apogîran beno. Embaz Zagros wextê şorişî de derbazê Rojawanî beno û tîya de şar rêxistin keno. Embaz Zagros 2015 de beno fermandar. O vera DAÎŞî zî şer keno û beno fermandarêko serkêş. Embaz Zagros 2018 de verê xo dano koyan û beno gerîla. Dima Akademîya Hakî Kaererî de perwerde gêno. O sey endamêkê Fermandarîya Eyaletî Herêmanê Pawitişî yê Medya de erk keno.  O xebat û erkanê taybetan de zî bi serkewtişî cagêno. 

Embaz Darav Wan de dadîya xo ra beno. O hêverî xebatanê ciwanan de cagêno û rêçê xalê xo yê şehîdî de 2011 de verê xo dano koyan. O Zap de perwerde gêno. 2013 de Qendîl de pratîk keno û 2015 de Dibistana Mazlûm Doganî de reyna perwerde vîneno. O erkê asayîşê kadroyanê serkêşan keno. O Şingal de zî vera DAÎŞî şer keno. Embaz Darav tim bi îdeolojîya Apogîre û qehremanî şer keno.

 

Embaz Egîd Gever de dadîya xo ra beno. O destpêk de tewrê xebatanê ciwanan beno û 2010 de zî beno gerîla. Embaz Egîd Vakur de perwerde vîneno û 5 serran Zagrosan de têkoşîn keno. O wextê xoverdayîşê xoîdarekerdişî de hetê şarê ma de cagêno û serkêşîya ronîyayîşê YPSyî keno. Dima Akademîya Apolloyî de perwerde gêno û Herêmanê Pawitişî yê Medya de erk keno. Embaz Egîd beno fermandarêko fedakar û 2022 de şehîd beno.

Embaz Cûdî Şirnex de dadîya xo ra beno. O şehadetê embaze Çîçeke Kiçî ra dima 2014 de xeyalê xo keno raşt û beno gerîla. O Herêmanê Pawitişî yê Medya de perwerdeyê verênî gêno, Dibistana Operasyonî ya Şehîd Mehmed Goyîyî de perwerde gêno û beno fermandarêko serkêş. Embaz Cûdî sey fermandarêkê ciwanî seba azadîya şarê ma her ca de têkoşîn keno û beno mazharê heskerdişê embazanê xo û şarê ma. 

Embaz Salar Mêrdîn de dadîya xo ra beno la Dîlok de beno pîl. O bi tesîrê şehadetê Haci Lokman Bîrlîk û Şorişê Rojawanî 2018 de, Heftanîn de tewrê gerîlayan beno. O cade adapteyê koyan beno. Embaz Salar taktîkê suîkastî de beno pispor û tim bi fedakarî têkoşîn keno. O asta fermandarîya tîme de erk keno û tim beno nimûne. Embaz Salar bi fermandarîya xo hêvî dano la heyf ke 2022 de netîceya qezayêkê bêtelehî de şehîd beno.''