Merkezê Îrtîbatî û Çapemenîye yê HPGyî nasnameyê panc gerîlayanê ke 2016 de şehîd bîyî eşkera kerdî û nê pare kerdî:

''Hemrayê Sîdar, Firat, Botan , Rojhat û Bawer bi têkoşînê xo bîyî afernayoxê nê destanê azadîye. Hemrayê ma semedê pawitişê erd û şarê xo bi hewayêkê qehremankî şîyî dişmenî ser, heta nefesê xo yê peyênî şer  kerd û tewrê kerwanê şehîdan bîyî. Ma zî do sey hemrayanê înan wayîrê vîrameyîşê înan vejîyê  û têkoşînî bi serkewtişî taîcar bikerê.

Nasnameyê hemrayanê ma yê şehîdan wina yê:

Nameyê Qodî: : Sîdar Berçelan Name û Peyname: Ahmet Timur Cayê Bîyayîşî: Colemêrg Maye-Pî: Aliye – Mikail Tarîx û Cayê Şehadetî: 2016 / Herême Pawitişî yê Medya

 

Nameyê Qodî: Firat Kurdistan Name û Peyname: Niyazi Aydin Cayê Bîyayîşî: Mûş Maye-Pî: Serayê – Mehmet Tarîx û Cayê Şehadetî: 2016 / Herême Pawitişî yê Medya

 

Nameyê Qodî: Botan Cûdî Name û Peyname: Murat Unal Cayê Bîyayîşî: Şirnex Maye-Pî: Fatma – Osman Tarîx û Cayê Şehadetî: 2016 / Herême Pawitişî yê Medya

 

Nameyê Qodî: Rojhat Argeş Name û Peyname:  Azad Şarlak Cayê Bîyayîşî: Amed Maye-Pî: Pakize – Cengizhan Tarîx û Cayê Şehadetî: 2016 / Herême Pawitişî yê Medya

 

Nameyê Qodî: Bawer Amed Name û Peyname: Welat Dundar Cayê Bîyayîşî: Amed Maye-Pî: Salime – Kenan Tarîx û Cayê Şehadetî: 2016 / Herême Pawitişî yê Medya

 

Hemrayê ma Sîdar Colemêrg de yeno dinya û hema domanîya xo ra Têgêrayîşê Azadîye yê Kurdîstanî nas keno û pê hîkayeyanê qehremanîye yê gerîlayanê azadîye beno pîl. Hemrayê ma Sîdar 2013 de verê xo dano koyanê Kurdîstanî û bi keyf û eşqê pîlî tewrê sefanê gerîlayan beno. Badê perwerdeyê îdeolojîk û leşkerî beno gerîlayêko serkewte û vera hêrişanê dişmenî têkoşîn keno.

Hemrayê ma Firat Mûş de yeno dinya û bi kulturê welatperwerîye beno pîl û 2014 de tewrê sefanê gerîlayan beno. Hemrayê ma Firat Zagrosan de dest pê gerîlatîye keno û badê perwerdeyê serekweteyî beno gerîlayêko serkewte. Waranê gerîlan de xeylêk wezîfeyanê cîya cîyayan geno xo ser hemeyan bi serkewtişî ano ca.

Hemrayê ma Botan Cizîra Botane de yeno dinya û ciwanîya xo partîya ma PKKyî nas keno. Seba ke vera polîtîkaya asîmîlasyonî bivejîyo xebatanê ciwanîye de ca geno. Hema serranê xo yê wirdîyan hetê dewlete ra yeno destbendkerdene û raştê zextan yeno. Dima ra seba ke dahîna zaf têkoşîn bikero verê xo dano koyanê azadîye.  Bado ke perwedeyê xo yê bingeyî bi serekwtişî qedîneno cephe de cayê xo geno.

Hemrayê ma Rojhat Amed yeno dinya  û dormeyêkê xoverdayox û têkoşerî de beno pîl. Tewrê xebatanê ciwanîye beno û têkoşînê aktîfî de cayê xo geno. Xeylêk wext na xebate rayra beno. Dima semedê xelisnayîşê welat û şarê xo verê xo dano koyanê Kurdîstanî û tewrê sefanê gerîlayan beno.

Hemrayê ma Bawer qezaya Licê ya Amedî ya ke sey warê xoverdayoxan û welatperweran yena naskerdene de yeno dinya û hema serranê xo yê wirdîyan de têkoşînê gerîlayan nas keno. 2014 de gama ke çeteyanê DAÎŞî hêrişê Rojawanî kerd û dewleta tirke zî eşkera paştî daye çeteyan çalakîyanê protestoyî de xalzayê ci hetê çeteyanê Hizbul-kontra ra yeno şehîdkerdene. No embazê ma Bawerî ser o zaf tesîr keno. Hemrayêma Bawer seba ke qesasê şarê xo bîgêro verê dano koyanê Kurdîstanî.

Ma sere de keyeyanê ercîyayeyan ê hemrayanê xo Sîdar, Firat, Botan, Rojhat û Bawerî û heme şarê welatperwerî yê Kurdîstanî rê serweşîye wazenê û soz danê ke ma do waştişê şehîdan xo bîyarê ca.''