Merkezê Îrtbatî û Çapemenîye yê HPGyî eşkerayîye daye û nasnameyê panc gerîlayan ke Wan de şehîd bîyî eşkera kerdî.

HPGyî vat: “24ê êlula 2020î de warê Wanî de hêrişê dişmenî de endamê Fermandarîya Eyaletê Wanî Baharîne Kendal û Şîyar Sason, Faîq, Şîyar Kobanê û Sîdar tewrê kerwanê şehîdan bîyî. Hemrayê ma yê qehremanê ke xeylêk wextî Vakurê Kurdîstanî de têkoşîn kerd, semedê şarê xo bi hewayêkê fedakarî şer kerd û derbê giranî dayî dişmenî ro. Hemrayê ma yê ke serkêşîya fermandaranê sekêşan ê YJA Starî ra Baharîne Kendal de heta nefesê xo yê peyênî têkoşîno destankî da, ma sere de keyeyanê ercîyayeyan ê nê hemrayanê xo heme şarê welatperwerî yê Kurdîstanî rê serweşîye wazenê.

Nasnameyê hemrayanê ma yê şehîdan wina yê:

Nameyê Qodî: Baharîne Kendal Name û Peyname:  Delal Ali Cayê Bîyayîşî: Kobanê Maye-Pî: Hanife – Ali Tarîx û Cayê Şehadetî: 24ê Êlula 2020î /Wan

Nameyê Qodî: Şiyar Sason Name û Peyname: Hamit Tiryaki Cayê Bîyayîşî: Êlih Maye-Pî: Sariye – Huseyin Tarîx û Cayê Şehadetî: 24ê Êlula 2020î /Wan

Nameyê Qodî: Faîq Efrîn Name û Peyname: Şervan Mamo Cayê Bîyayîşî: Efrîn Maye-Pî: Elmase – Muhammed Tarîx û Cayê Şehadetî: 24ê Êlula 2020î /Wan

Nameyê Qodî: Sîdar Canfeda Name û Peyname: Reşit Oruk Cayê Bîyayîşî: Wan Maye-Pî: Soni – Nizam Tarîx û Cayê Şehadetî: 24ê Êlula 2020î /Wan

Nameyê Qodî: Şiyar Kobanê Name û Peyname: Esxer Qordoymîlan Cayê Bîyayîşî: Maku Maye-Pî: Turan – İrfan Tarîx û Cayê Şehadetî: 24ê Êlula 2020î /Wan

Hemraya ma Baharîne Kobanê de yena dinya û bi kulturê welatperwerîye bena pîl. Serra 2000î de verê xo dana koyanê Kurdîstanî û perwerdeyê xo yê verênî Qendîl de gena. Hemraya ma Baharîne tecrubeyê xo şerî yê verênî vera xeta hemkare ya ke wazena partîya ma teslîm bigêro kena û rixmo ke birndar bena têkoşînî ra peyser nêancîyena. 2003 de verê xo danê Vakurê Kurdîstanî û Botan de gerîlatîye kena. 2005 de reyna agêran Herêmanê Pawitişî yê Medya. Akademîya Cinîya Azade ya Şehîde Bêrîtane de perwerde vînena û xeylêk waranê Herêmanê Pawitişî yê Medya de xebetan raya bena û bena fermandara YJA Starî. 2010 bi tecrubeyê xo yê fermandarîye ravêrena Akademîya Mahsum Korkmazî. Wextê Şerê Şarê Şorişgêrî de reyna agêrena Vakurê Kurdîstanî û Dêrsimo ke tim xeyalê ci yo de xebatan rayra bena. Gama ke çeteyanê DAÎŞî hêrişê Kobanê kerd  verê xo dana herra ke tede ameya dinya û şarê xo pawena. Wextêk tîya manena û şervananê kobanêyijan perwerde kena. Dima ra reyna verê xo dana koyan. Îdareyê Eyaletê Zapî de ca gena. Sey fermandarêka serkwteyî reya hîrêne verê xo dana Vakurê Kurdîstanî û warê Wanî de wezîfe gena.

Hemrayê ma Şîyar Sason herêma Xerzî ya Êlihî de keyeyêko eslê xo de koçero de  yeno dinya û bi tradîsyonê û kulturê Kurdîstanî beno pîl. Gama ke Amed de unîversîte waneno raştîya dişmenî û têkoşînê şarê Amedî dahîna nêzdî ra vîneno û binê tesîrê ci de maneno.Hemrayê ma Şîyar serra 2010î de qerar geno ke tewrê gerîlayan bibo. Badê perwerdeyê verênî akademî de tewrê perwedeyê leşkerî û îdeolojîkî beno. Dima ra Zagrosan û Qendîl de pratîk rayra beno. Wextê hêrişê DAÎŞî semedê pawitişê şarê xo têkoşîn keno û hîrê rey birîndar beno la çirey peyser game nêerzeno. Badê serkewtişê vera çeteyan verê xo dano Eyaletê Xakûrkê û sey fermandarê yewîye wezîfe geno. Bado ke Akedemîya Hakî Karerî de perwerde vîneno, wazeno  verê xo bido Eyaletê Amedî la rîyê hewceyan ra warê Wanî de wezîfe geno.

Hemrayê ma Faîq Efrîn de yeno dinya û bi kulturê welatperwerîye beno pîl. Hemrayê ma Faîq 2012 de verê xo dano koyanê Kurdîstanî û tewrê sefanê gerîlayan beno. Warê Xinêrê de dest pê gerîlatîye keno û tîya perwerde vîneno. Wezîfeyanê xo bi serewktişî ano ca. Mektebê Operasyonî yê Mehmet Goyî de perwerde vîneno û beno gerîlayêko serkewte. Wextê hêrişê DAÎŞÎ de şarê Şingalî paweno. Badê xelisnayîşê Şingalî agêreno koyanê Kurdîstanî. Akademîya Mahsum Korkmazî de perwerde vîneno û verê xo dano Vakurê Kurdîstanî. Xeylêk çalakîyanê serkewteyan ê Wanî de ca geno.

Hemrayê Sîdar sey ferdê keyeyê armenî Wan de yeno dinya  û dormeyêko welatperwer de beno pîl. Hema domanîya xo ra Têgêrayîşê Azadîye yê Kurdîstanî nas keno. Hemrayê ma Sîdar 2017 de Wan de tewrê sefanê gerîlayan beno û nameyê fermandaranê efsanevîyan ê Serhadî ra Şehîd Sîdar Malazgîrtî geno. Şertanê şerî de gerîlatîye museno û pratîk de ramojneno. Demê kilmî de beno gerîlayêko serkewte.

Hemrayê ma Şîyar Kobanê bajarê Maku yê Rojhelatê Kurdîstanî de yeno dinya û pê kulturê welatperwerîye beno pîl. Hemrayê Şîyar 2016 de tewrê sefanê gerîlayan beno. Badê perwerdeyê şervananê neweyan tewrê xebatanê ciwanan beno. Tîya xo hetê îdelojî ra resneno û derheqê gerîlatîye û cuya koyî de tecrube keno pêser. Dima ra pê waştişê xo ravêrno warê leşkerî. Bado ke xo her hetî aver beno  û sey gerîlayêkê serkewteyî verê xo dano warê Botanî û patîkayanê ke Egîd, Adil, Gelhat, Azîme û Nûdayî tira ravertî ra ravêreno warê Wanî. Tîya çalakîyan de derbeyanê girda  dano dişmenî ro beno fermandaranê ciwanan ê serkeşan ra yew.”