Eşkerayîya Merkezê Îrtîbatî û Çapemenîye yê HPGyî nasnameyê 3 gerîlayanê ke Botan de şehîd bîyî eşkera kerdî.

Eşkerayîya HPGyî wina ya:

''Ma eşkerayîya xo ya 18ê êlula 2020î de dabi eşnawitene ke artêşa tirke ya îşxalkere 15ê êlule de wareyê Beytanî yê Colemêrgî de operasyonêk dayo destpêkerdene û nê operasyonî de embazê ma Nûman, Eyleme û Dîlan şehîd bîyê. Zanayîşê derheqê embazanê ma yê şehîdan de wina yê:

Nameyê Qodî: Eyleme Rojen Name û Peyname: Leyla Acar Cayê Bîyayîşî: Wan Maye-Pî: Hayale-Alî Tarîx û Cayê Şehadetî: 15ê Êlula 2020 / Botan

Nameyê Qodî: Dîlane Koçer Name û Peyname: Foza Badir Cayê Bîyayîşî: Dêrik Maye-Pî: Berîvane-Mûhammed Tarîx û Cayê Şehadetî: 15ê Êlula 2020 / Botan

Nameyê Qodî: Nûman Amed Name û Peyname: Hamît Kartal Cayê Bîyayîşî: Amed Maye-Pî: Azîze-Mehmet Tarîx û Cayê Şehadetî: 15ê Êlula 2020 / Botan

Embazê ma Eyleme, Dîlane û Nûman mîyanê welatperwerîya Kurdîstanî de dadîyanê xo ra bîyî û bi kulturê têkoşînî bîyî pîl. Her hîrê embazê ma vera zulmê dewleta tirke ya îşxalkere wextanê cîyayan de tewrê gerîlayan bîyî. Embazanê ma bi felsefeya Rayber Apoyî, bi taktîk û metodanê zengînan xeylêk ekd û xîret dayî têkoşîn. Embazê ma Eyleme û Dîlane her warê Kurdîstanî de bîyî temsîlkarê çêrî yê xoverdayîşê Kurdîstanî.

Embazanê ma Eyleme, Dîlane û Nûmanî xoverdayîşo tarîxî yê şehîdan sey mîras ma rê verda û bi bawerî û ruhê fedayîyî, bi xoverdayîşê xo têkoşînê azadîye nêzdîyê serkewtişî kerd. Mîrasê înan ê têkoşînî ma rê ferman o. 

Ma sere de keyeyanê înan ê ercîyayeyan rê pêro şarê welatperwerî yê Kurdîstanî rê serweşîye wazenê. Ma soz danê ke do xeyal û waştişê embazanê xo bi serkewtişî tacîdar bikerê.''