Merkezê Îrtîbatî û Çapemenîye yê HPGyî eşkerayîya xo ya nuştekîye de nê vatî:

''Botan de;

17ê hezîrana 2023yî de hemrayê ma Argêş Koçero ke warê Botanî de wezîfeyê xo ser bi, gama ke waşt Çemê Dicleyî ra ravîyero wever, şehîd bi. Hemrayê ma Argêşo ke bi fedakarîya xo mîlîtananê serkêşan  ê Botanî ra bi, hetê embazanê xo ra sey nimûne ameyêne girewtene.

Ma sere de keyeyê ercîyayeyî yê embazê xo Argêşî rê, heme şarê welatperwerî yê şarê xo rê serweşîye wazenê.

Nasnameyê hemrayê ma Argeş Koçerî wina yo:

Hemrayê ma Argêş Riha de yeno dinya û bi kulturê welatperwerîye beno pîl û 2014 de verê xo dano koyanê azadan û Botan de tewrê refanê gerîlayan beno.Hemrayê ma Argêş badê perwerdeyî pratîk de ca geno û gamanê mehkeman erzeno. Warê Gabarî de pewerdeyê suîkastî geno û beno gerîlayêko serkewte. Serranê 2015-2017î de Gabar de tewrê xeylêk çalakîyan beno û hêrişêkê dişmenî de birîndar beno û semedê tedawî ravîyereno Herêmanê Pawitişî yê Medya. Bado ke tewrê xeylêk perwerdeyan beno Metîna ra wezîfe geno xo ser. Dima ra tewrê xebatanê YPSyî beno. 2019 de Hemleya Şorişgêre ya Cengê Heftanînî beno ser serkêşî ca geno û derbeyanê girdan dano dişmenî ro. 2021 de verê xo dano Botanî.

Herêma Zapî;

16 û 17ê temmuze de Warê Xoverdayîşî yê Girê FMyî de îşxlakerî bi çekanê giranan ameyî pirodayene û derbkerdene.

Herêma Avaşînî;

12ê temmuze de artêşa tirke ya îşxalkere warê Gundê Mehmud, Şehîd Agir  Astengê de operasyonê îşxalî da destpêkerdene. Operasyon hema dewam keno.

Bombarduman;

15 û 16ê temmuze de artêşa tike ya îşxalkere Waranê Xoverdayîşî yê Zap, Xakurkê, Metîna de bi teyarayanê şerî, kepçe, helîkopteranê hêrişî, obus, tanq û çekanê giranan bi seyan rey hêriş kerd.''