HPGyî nasnameyê şehîdêkî eşkera kerd

HPGyî nasnameyê şehîdêkî eşkera kerd û vat: ''Embazê ma Demhato ke milîtanêko nimûne bibi, peyê xo de raştîya têkoşînêkî verdaye ke do nêra vîrakerdene.''

NASNAMEYÊ ŞEHÎDAN

Merkezê Îrtîbatî û Çapemenîye yê HPGyî nasnameyê şehîdêkî eşkera kerd. Eşkerayîye wina ya:

''Embazê ma Demhat Dilopî 9ê teşrîna peyêne ya 2024î de hêrişê dişmenî yê vera Herêmanê Pawitişî yê Medya de şehîd bi.

Embazê ma Demhato ke milîtanêko nimûne bibi, peyê xo de raştîya têkoşînêkî verdaye ke do nêra vîrakerdene.

Ma sere de keyeyê ey ê ercîyayeyî rê pêro şarê Kurdîstanî yê welatperwerî rê serweşîye wazenê. Ma soz danê ke ala têkoşînî ya embaz Demhatî ser bivisnê.

Nasnameyê embaz Demhatî wina yo:

Nameyê Qodî: Demhat Silopî

Name û Peyname: Denîz Şen

Cayê Bîyayîşî: Şirnex

Maye-Pî: Meryem – Mehmet Şirin

Tarîx û Cayê Şehadetî: 9ê Teşrîna Peyêne ya 2024î / Herêmê Pawitişî yê Medya

 

Embazê ma Demhatqezaya Dihî ya Sêrtî de, 1991 de dadîya xo ra beno. O hêverî tewrê xebatanê ciwanan beno û dima zî 2011 de wazeno tewrê gerîlayan beno. La tay eqsîtîyan ra on 2014 de eşkeno tewrê gerîlayan bibo. O wextêk herêma Cûdîyî de manenon û tîya ra derbazê Herêmanê Pawitişî yê Medya beno. 

Embazê ma Demhat bi perwerdeyan xo aver beno. Embazê ma Demhat bê teredut erkan û mesuldarîyanê xo ano ca. O bi ruhê fedayî beno wayîrê kedêkê pîle. Embaz Demhat çi zimistan çi hamnan bêmabên têkoşîn keno. O bi fedakarîya xo beno mazharê heskerdiş û hûrmetê pêro embazanê xo zî. Ma soz danê ke şexsê embaz Demhatî de do layîqê vîrameyîşê pêro şehîdanê xo bibê û têkoşînê şehîdan pîlêr bikerê.''