Merkezê Îrtîbatî û Çapemenîye yê HPGyî nasnameyê şehîdêkî eşkera kerd.  Eşkerayîye wina ya:

''Embazê ma Hogir Mervan 10ê teşrîna verêne ya 2024î de herêma Garê de hêrişê dişmenî de şehîd bi. Embazê ma se vatêne o qayde kerdêne û bi nê hawayî o pêro embazanê xo rê bi mîsalê şorişgêrîya duriste.

Ma seba ke embaz Hogirî reyde têkoşîn û şer kerd sereberz ê coka ma soz danê ke vîrameyîşê ey Kurdîstanê azadî de bidê pawitene. Nê esasî ser o ma sere de keyeyê ey ê ercîyayeyî rê pêro şarê Kurdîstanî yê welatperwerî rê serweşîye wazenê.

Nasnameyê embazê ma Hogir Mervanî wina yo:

Embazê ma Hogir mîyanê keyeyêkê sêrtijî de Êlih de dadîya xo ra beno. Embazê ma dima keyeyê xo reyde Êlihî ra koçê metropolanê Tirkîya keno. O metropolan de hêverî tewrê xebatanê ciwanan beno. La 2009 de o sey esîrî keweno destê dişmenî û 9 mengan zîndan de maneno. Embazê ma Hogir zîndan de zî xoverdayîşê xo pîlêr keno û 2010 de vejîyeno teberî. O hinî bi ferasetî verê xo dano koyan, beno gerîla.

Embazê ma Hogir Herêmanê Pawitişî yê Medya de perwerde vîneno û heta 2014î xeylê waranê Herêmanê Pawitişî yê Medya de şer keno. O bi fedakarî kede dano. O 2014 de vera hêrişanê DAÎŞî cepheyê şerî de cagêno û binvistişê DAÎŞî ra pey verê xo dano Herêmanê Pawitişî yê Medya.

Embazê ma Hogir fedayîtîye de xo keno yew û bi kesayetê xo serê pêro embazan de tesîrî virazeno. O bi kesayet, têkoşîn, pratîk û cuya xo morê xo dano binê nê dewrê şorişgêrî ro. O 14 serranê têkoşînî visneno asta tewr berze û şehîd beno. Ma şexsê embaz Hogirî de soz danê ke bibê layîqê pêro şehîdanê xo.''