HPGyî nasnameyê yew şehîdî eşkera kerd

HPGyî nasnameyê yew şehîdî eşkera kerd û vat: ''Embaz Erdal her hela têkoşînî de mîrasê têkoşînî yê Hakî Karer û Kemal Pîrî ard ca, waşt nê mîrasî bikirişo pêro şaranê Tirkîya û bi wayîrê kedêka pîle.''

Merkezê Îrtîbatî û Çapemenîye yê HPGyî bi eşkerayîyêke nasnameyê yew şehîdî eşkera kerd. Eşkerayîye wina ya:

''13ê tebaxa 2022yî de warê Goşînî yê Xakurkê de hêrişanê artêşa tirke ya îşxalkere de embazê ma yo ercîyaye Erdal Tolhildan şehîd bi. Embaz Erdal bi bawerîya ke PKK û Rayber Apo temînatê cuya hempare ya şaran ê tewrê gerîlayan bibi, seba azadîya şaranê Tirkîya mesuldarîye girewte xo milî û pêro cuya xo ya têkoşînî de bi na hişmendî têgêra. Bi na taybetmendîya xo o embazanê xo rê bi milîtanêko mîsal. Embaz Erdal her hela têkoşînî de mîrasê têkoşînî yê Hakî Karer û Kemal Pîrî ard ca, waşt nê mîrasî bikirişo pêro şaranê Tirkîya û bi wayîrê kedêka pîle. Ma zî şexsê embaz Erdalî de soz danê pêro şehîdan ke heta ke xeyalê înan ê welatê azad û demokratîkî bîyarê ca têkoşînî rê dewam bikerê.

Nasnameyê embazê ma yê şehîdî wina yo:

Nameyê Qodî: Erdal Tolhildan

Name û Peyname: Afşîn Sancar Aybar

Cayê Bîyayîşî: Balikesîr

Maye-Pî: Hulya – Îsmaîl

Tarîx û Cayê Şehadetî: 13ê tebaxa 2022yî / Xakurkê

Embaz Erdal şaristananê Tirkîya ra Balikesîr de dadîya xo ra beno. O hema lîse de bêedaletîya sîstemê kapîtalîstî vîneno û seba ke vera nê sîstemî têkoşîn bikero gêreno rayîran.  Embaz Erdal dima fikranê Rayber Apoyî waneno û têkoşînê azadîye yê kurdan nêzdî ra şinasneno. Embaz Erdal 2015 de Unîversîteya Teknîkî ya Yildizî ya Îstanbulî de dst pê fakulteya Têkilîyanê Mîyanneteweyîyan keno û tewrê têkoşînê aktîfî zî beno. Unîversîte de zî o Apogîran şinasneno û şino Kurdîstan beno şahidê Xoverdayîşê Xoîdarekerdişî. Embaz Erdal bêteredut keweno rayîrê Hakî Karer û Kemal Pîran û 2016 de tewrê gerîlayan beno.

Embaz Erdal  perwerdeyî ra dima derbazê Xakurkê beno û cade adapteyê cuya gerîlayan beno. O bêmabên tewrê têkoşînî beno û pê keda xo beno mazharê heskerdiş û hûrmetê pêro embazanê xo. Embaz Erdal beno nameyê tewrbîyayîş û cuya mîlîtanwarîye û serê rêçê mîrasê têkoşînê şorişgêranê tirkan de şino. O rixmê pêro hêrişan zî cigêrayîşê raştîya ra fekvera nêdano. Ma sere de keyeyê ey ê ercîyayeyî rê pêro şaranê bindestan rê serweşîye wazenê.'' 

[album=18040]