Merkezê Îrtîbatî û Çapemenîye yê HPGyî bîlançoya şerî ya mabênê 14ê nîsane û 14ê teşrîna peyêne bi eşkerayîyêke pêşkêş kerd.

Eşkerayîye wina ya:

''27ê teşrîna peyêne de partîya ma PKK vejîyaye sehneyê tarîxî ser, şarê ma qirkerdişî ra xelisna û rêxistine kerd û ewro zî na partîya ma bîye hêvîya pêro şaran, cinîyan û ciwanan. Têkoşînê Azadîye yê Kurdîstanî yo ke vera hêzanê modernîteya kapîtalîste û hêzanê kolonyalîst û qirkeran tehlukeyo tewr pîl o, ewro raştê hêrişanê tewr pîlan û hîrayan ê tarîxî yeno. Hêzê serdestî kenê ke şexsê şarê kurdî û têkoşînê azadîye de hêvîya azadîye ya şaran wedarnê, bi her hawayî paştî danê rejîmê AKP-MHPyî yê faşîstî. Dewleta tirke teknîkê NATOyî şuxilnena û bi her metodê gemarinî hêrişê gerîlayan keno. La rixmê nê îmkanan zî nêeşkena verê gerîlayan de ser bikewo. Hêrişanê dewleta tirke yê vera Zap, Metîna û Avaşînî hewt mengî xo pey de verdayî. Nê prosesî de qehremanîyanê gerîlayan îsbat kerd ke ê do bin mekewê.Hêzanê ma Stratejîya Şerê Şarî yê Şorişgêrî de viste dewre, metodê şerî yê tunelan û erazî bi hostatî ardî ca û netîceyan ra zî eşkera yo ke xeta serkewtişî de gerîlayî hê şinê.

Îşxalkeran bi hezaran reyî bombayê qedexekerdeyî û çekê kîmyewîyî şuxilnayî

Artêşa tirke ya îşxalkere vera îradeyê gerîlayanê azadîye yê Kurdîstanî bêçare mende coka Warê Xoverdayîşî bi hezaran reyî pê teyarayanê şerî, helîkopteranê hêrişî, tank, obus, hawanî dayî bombayan ver. Seba ke nêresaye armancê xo rîyê xo yo gemarin mojna û bi hezaran reyî Warê Xoverdayîşî pê bombayanê qedexekerdeyan dayî bombayan ver û vera tunelanê şerî dest eşt çekanê kîmyewîyan. Rixmê nê hêrişan zî hêzê ma bi hawayêkê tarîxî xo ver danê. Gerîlayê azadîye bi felsefeya Rayber Apoyî û bi fedayîtî şer kenê, sey hêzê xopawitişî seba ke erkê xo bi serkewtişî biqedînê bedelan danê û no xoverdayîşê heybetînî mojnenê ke tarîx de verî mîsalê ci çin bi.

Gerîlayê ma yê azadîye derbanê giranan danê artêşa tirke ro

Gerîlayê ma xeta fedayî ya Sara Tolhildan û Rûkene Zelal de bi qerardarî şinê, Vakurî ra heta Başûrî xoverdayîşî rê bêmabên dewam kenê û derbanê giranan danê artêşa tirke ya îşxalkere ro. Hêzanê ma vera artêşa tirke çalakîyê dafik, xomîyanverdayîş, hêriş, sabotaj, suîkast, çekanê giranan, çalakîyê bikordîne û şorişgêrî kerdî. Hêzanê ma taktîkê gerîlatîya dewrê neweyî ardî ca û asta şerê xo yê jîhatî bi zelalî mojnaye. Gerîlayê azadîye Waranê Xoverdayîşî de derbanê giranan danê dişmenî ro, çalakîyanê xo qeyd kenê û sey belgeyan pêşkêşê rayaumûmîye kenê. Rejîmê AKP-MHPyî yo faşîst bi rayîrê medyaya şerê taybetî xîret keno ke raştîyan rayaumûmîye ra binimno û wina zûran keno. Leşkerê binê fermandarîya Hulusî Akarî cenazayanê leşkeranê xo kendalan ra erzenê war, pê teyarayanê şerî û helîkopteran cenazayanê xo danê bombayan ver, vêşnenê. Agahîyê serê cenazayanê ke destê ma de yê hetê hêzanê ma ra ameybî eşkerakerdene. Reyna îsbat bi ke Wezîrê Şerê Taybetî Hulusî Akar verê leşkeran dano koyanê ma ver la wayîrê weşan û kişteyanê leşkeranê xo nêvejîyeno. Rejîmê AKP-MHPyî seba ke serê nê sûcanê xo bigêro bi panîkî her kes bêveng keno. La no rejîm do peynî de hesab bido.

Şerê 7 mengan de artêşa tirke ya îşxalkere 2867 reyî bi bombayanê qedexekerde û çekanê kîmyewîyan hêrişê tunel û çeperanê Herêmanê Pawitişî yê Medya kerd û bi nê hawayî sûcê şerî kerd.

Gerîlayanê Azadîye yê Kurdîstanî qasê 2553 çalakîyî kerdî û derbê giranî dayî artêşa tirke ro. Netîceya nê çalakîyanê xurtan de 2544 îşxalkerî ameyî cezakerdene û 366 îşxalkerî zî birîndar bîyî.

Gerîlayê Azadîye vera hêrişanê îşxal û qirkerdişî bi ruhê fedayî şer kenê, xeta şehîdan de pawitişê erd û şarê Kurdîstanî rê dewam kenê. Şerê 7 mengan de 174 hemrayê ma cepheyanê şerî de şehîd bîyî ke nînan heta şehadetê xo nêverda dişmen nefesî zî bigêro. Serkêşîya embazanê ma Bager, Êrîş, Bilind, Rêvan, Ciwana, Sîpan, Baz, Nûrî, Mizgîn, Rohat, Şaristan, Mahîr, Avzem, Dogan, Nalîn, Guven, Zamanî, Ronahî, Helbest, Fedaî, Siyabend, Berfîn, Mêrdîn û tewr peyên serkêşîya 17 embazanê ma yê ke bi çekanê kîmyewîyan şehîd bîyî ma pêro şehîdanê xo yê destanê qehremanîye bi rêz û hûrmetî yad kenê. Ma soz danê ke ma do serê xeta şehîdan de xoverdayîşî pîl bikerê û vîrameyîşê şehîdanê xo bi serkewtişî tacîdar bikerê.

Bîlançoya şerî ya 7 mengan

-Çalakîyê hêzanê ma; bi metodanê dafik, sereştiş, sabotaj, sekbanî, çekanê giranan, pirodayîş, şer, bikoordîne, hêzanê pawitişê hewayî, operasyonanê şorişgêr ûsn. 2553 çalakîyî ameyî kerdene.

Netîceya nê çalakîyanê hêzanê ma de;

–12ê ci kontra û 18ê ci leşkerê payeberzî 2544 îşxalkerî ameyî cezakerdene.

– 366 îşxalkerî birîndar bîyî

Qasê tesbîtanê hêzanê ma Warê Xoverdayîşî;

– 3694 reyî bi teyarayanê şerî û 4886 reyî zî bi helîkopteranê hêrişî dîyayî bombayan ver.

– Çeper û tunelê şerî yê hêzanê ma 2837 reyî bi bombayanê qedexekerdeyan (bombaya fosforî, bombaya termobarîkî, bombaya nukler-taktîkî) û pê çekanê kîmyewîyan dîyayî bombayan ver.

Çek û malzemeyê leşkerî yê ke hêzanê ma dest nayo ser;

– 10 çekê MPT-55

– 4 çekê AK-47

– 3 çekê G-3

– 3 çekê bombaeştoxî

– 2 çekê M-16

– 2 çekê HK-416

– Çekêka BKC

– Çekêka B-7

– Çekêka MPT-66

– 4 Debance

– 4 fîşekê bombaeştoxî

– 848 fîşekê M-16 û BKC

– 18 bombayê destan û gelek bombeyên mijî

– 4 yelegê hêrişî (Pola)

– 4 tirsî pola

– 3 rextî

– 12 şarjorî

– 7 dûrbînê şewe û roje

– 3 dûrbînê termalî

– 3 hacetê lazerî

– 2 hacetê lazerê yê çeke

– Kamerayêka termale

– Dûrbînêkê bi lazer

– 4 sîstemê kamera yê mobesse

– 3 kamerayê sereyî

– Sîstemêkê radarî

– 24 Kg teqaberî

– 4 mayinî

– Cîhazêkê teqnayîşê mayînî

– Dedektorêkê mayînî

– 7 telefonê destan

– 3 cîhazê îrtîbatî yê bêtelî

– Panelêkê Enerjiya Tîje

– Pusula

– 4 kardî (Kasatûra)

– 6 çanteyê leşkerî

– 2 xeymê leşkerî

– 2 kaskî

– 9 fenerê destan

– 2 hacetê UPS

– Çimeyêkê enerjî

– 2 korteks, TNT, C3

– Parçeyê mobesse

Wesayît û hacetê leşkerî yê ke hêzanê ma îmha kerdê;

– 8 helîkopterê Skorskyî

– 3 helîkopterê hêrişî

– 2 tank

– 17 wesayitên zirxînî-leşkerî

– 4 kepçe

– 65 sîstemê mobesse

– 52 droneyî

– 8 radarî

– 5 kamerayê termalî

– 2 teleskopî

– 3 cîhazê Jammerî

– 3 sansurê têgêrayîşî

– 2 cîhazê goşdarîkerdişî

– Xafikêka fotografî

– Konteynirêk

– 99 çeperî

– 34 xeymê leşkerî

– Kamelyayêje

– Sîstemêkê vurnayîşê gazê kîmyewî

– Cebilxaneyêk

– 5 çekê A4

– 2 çekê BKC

– 300 Kg teqaberî

– 10 xafikê teqnayîşî

– Çekêka A-4

– 2 hacetê çeka kîmyewî

– 2 aspîratorî

– Bombaeştoxêk

– Çekêka AT-4

– Tirsêk

Wesayîtê leşkerî yê ke hêzanê ma derb kerdî;

– 47 helîkopterê Skorskyî

– 32 helîkopterê hêrişî

– 19 çeperî

– 12 droneyî

– 9 kepçeyî

– 4 wesayitê zirxînî

– 3 xeymê leşkerî